Ингилаб Рәһбәри: Трампы мүраҹиәт мүбадиләсинә лайиг билмирәм, Америка илә мүзакирә етмәйәҹәйик

Ислам Ингилабынын Бөйүк Рәһбәри бу ҝүн сәһәр Јапонийанын баш назири вә ону мүшайиәт едән һейәтлә ҝөрүшдә вурғулайыблар: Иран Ислам Республикасынын Америкайа һеч бир етимады йохдур вә нүвә анлашмасы чәрчивәсиндә Америка илә өнҹәки мүзакирәләрин аҹы тәҹрүбәсини һеч бир вәҹһлә тәкрар етмәйәҹәк, зира һеч бир азадә вә ағыллы халг тәзйиг алтында мүзакирәни гәбул етмәз.

Бу ҝөрүшүн әввәлиндә Јапонийанын баш назири Шинзо Абе Ислам Ингилабынын Бөйүк Рәһбәри Һәзрәт Айәтуллаһулузма Хаменеийә хитабән дейиб: Мән Америка президентинин мүраҹиәтини сизә чатдырмаг истәйирәм.

Ислам Ингилабынын Бөйүк Рәһбәри Јапонийанын баш назиринә хитабән дейибләр: Биз сизин хошмәрамлы вә ҹидди олмағыныза тәрәддүд етмирик, амма Америка президентиндән дедийиниз барәдә, мән Трампын өзүнү һеч бир мүраҹиәт мүбадиләсинә лайиг билмирәм вә она һеч бир ҹавабым йохдур, һеч бир ҹаваб да вермәйәҹәйәм.

Һәзрәт Айәтуллаһулузма Хаменеи Јапонийа баш назиринин “Трамп она дейибдир ки, Америка Иранда режими дәйишмәк ниййәтиндә дейил” сөзләринә ишарә едәрәк, вурғулайыблар: Бизим Америка илә проблемимиз, режимин дәйишдирилмәси мөвзусу дейил, зира онлар әҝәр белә бир ниййәтә малик олмуш олсалар да ону иҹра етмәйә гадир дейилләр. Американын өнҹәки президентләри өтән гырх илдә Иран Ислам Республикасыны мәһв етмәк үчүн чалышдылар, амма баҹармадылар.

О һәзрәт Јапонийа баш назиринин Американын Иран тәрәфиндән нүвә силаһынын дүзәлдилмәсинин гаршысыны алмагда әзмкар олмасына даир сөзләринә ишарә едәрәк, әлавә едибләр: Биз нүвә силаһы илә мүхалифик вә мәним шәри фитвам нүвә силаһынын дүзәлдилмәсинин һарам олмасыдыр, амма буну билин ки, әҝәр биз нүвә силаһы дүзәлтмәк ниййәтиндә олмуш олсайдыг, Америка һеч бир иш ҝөрә билмәзди вә Американын иҹазә вермәмәси, һеч бир мане төрәтмир.

Ислам Ингилабынын Бөйүк Рәһбәри нүвә анлашмасы чәрчивәсиндә америкалыларла мүзакирә просесинә ишарә едәрәк, дейибләр: Нүвә анлашмасындан сонра бу анлашманы дәрһал позан кәс Обама олду. Мәһз о шәхс Иранла мүзакирә етмәк истәмиш вә васитәчи дә ҝөндәрмишди.

Һәзрәт Айәтуллаһулузма Хаменеи Јапонийа баш назиринин “Трамп дейиб ки, Америка илә мүзакирә Иранын инкишафына сәбәб олаҹаг” ҹүмләсинә ишарә едәрәк, вурғулайыблар: Биз Аллаһ-Тааланын көмәклийи илә Америка илә мүзакирә етмәдән вә санксийанын мөвҹуд олмасы илә дә инкишаф едәҹәйик.

Ислам Ингилабынын Бөйүк Рәһбәри Јапонийа баш назиринин Иран Ислам Республикасы илә әлагәләрин ҝенишләндирилмәсинә даир тәклифини рәғбәтлә гаршылайараг, белә гейд едибләр: Јапонийа Асийада мүһүм бир өлкәдир вә әҝәр Иранла әлагәләрин ҝенишләндирилмәсинә мараглыдырса, өз әзмкарлығыны ҝөстәрмәлидир. Бәзи мүһүм өлкәләр бу әзмкарлығы ҝөстәрән кими.

Шинзо Абе дә бу ҝөрүшдә Теһрандакы мүзакирәләринә ишарә едәрәк, үмидварлыг едибдир ки, бу данышыглар һәмкарлыгларын даһа да ҝенишләнмәсинә зәмин йарадаҹаг.
.............
300