(ABNA24.com) Ислам Ингилабынын Бөйүк Рәһбәри буйурублар: Ислам өлкәләри бир-бириләринин гаршысында дайанмаг йеринә, гәсбкар дүшмәнин Фәләстиндәки ҹинайәткарҹасына иштиракы гаршысында сырайа дүзүлмәлидирләр.
Ислам Ингилабынын Бөйүк Рәһбәри Һәзрәт Айәтуллаһулузма Хаменеи бу ҝүн гурулушун рәсми шәхсләриндән бир групу, Ислам өлкәләринин сәфирләри вә Иран халгынын мүхтәлиф тәбәгәләри илә ҝөрүшдә сәадәтли фитир байрамыны тәбрик едәрәк, Фәләстин мәсәләсини Ислам Дүнйасынын бир нөмрәли мәсәләси адландырыблар. О һәзрәт АБШ-ын вә сионист режимин мәгсәдләри истигамәтиндә сәй ҝөстәрән бәзи ислами өлкәләри тәнгид едибләр.
Һәзрәт Айәтуллаһулузма Хаменеи дейибләр: Иран Ислам Республикасынын бахышы “йәһудиләри дәнизә төкмәк лазымдыр” гәнаәтиндә олан бәзи гәдимки әрәб рәһбәрләринин бахышларынын әксинә олараг белә дейилдир. Иран Ислам Республикасы елә әввәлдән Фәләстин халгыны мүдафиәйә тәкид етди вә залымлар дүнйасынын гаршысында дайанды вә бу мүгавимәти давам етдирәҹәкдир.
Ислам Ингилабынын Бөйүк Рәһбәри Иран Ислам Республикасынын Фәләстинин һөкумәт гурулушунун чәрчивәси барәдә бу өлкәнин мүсәлман, христиан вә йәһуди сакинләринин, еләҹә дә фәләстинли дидәрҝинләрин нәзәрләринин өйрәнилмәсинә даир тәклифини хатырладараг, вурғулайыблар: Фәләстин халгынын мүбаризәси һәмин ҝүнәдәк вә гәсбкарларын бу халга тәслим олаҹаглары заманадәк һәрби, сийаси вә мәдәни мигйасларда давам етмәлидир.
Һәзрәт Айәтуллаһулузма Хаменеи тәфригә салмаг вә сионист режимлә сазиш етмәк ардынҹа олан бәзи Ислам өлкәләринә, сечдикләри йанлыш йолдан төвбә етмәләрини төвсийә едәрәк, вурғулайыблар: Нә үчүн Ливийа кими ислами бир өлкәдә ики груп бир-биринин гаршысында дайанараг, бир-биринин ганыны төксүн вә нә үчүн Ислам иддиасында олан бир өлкә Јәмән халгыны вә бу өлкәнин инфраструктурларыны бомбардман едәрәк, дүшмәнләрин истәкләри вә нәзәрләри әсасында һәрәкәт етмиш олсун?
Фитир байрамынын месажынын ислами өлкәләрин бирлийи вә һәмрәйлийи, һәмчинин “Мүсәлман Үммәт” мәзмунуна гайыдыш олдғуну бәйан едән Һәзрәт Айәтуллаһулузма Хаменеи билдирибләр: Ислам Дүнйасынын буҝүнкү проблемләринин әлаҹы, Гурани-Кәримин истәкләринә гайыдышдыр вә мүсәлман зийалылар вә дин алимләри бу истәйин һәйата кечмәси үзрә икигат вәзифәйә маликдирләр.
................
300
