Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Түркијәнин хариҹи ишләр назири дејиб: Әҝәр Америка Түркијәјә Ф-35 гырыҹыларынын вә "Патриот" мүдафиә системинин сатышындан чәкинәрсә, Анкара бу мәгсәдлә Русијаја мүраҹиәт едәҹәк.
Түркијәнин хариҹи ишләр назири Мөвлуд Чавушоғлу дүнән әлавә едиб: Русијанын С-400 ракет мүдафиә системинин сатын алынмасы барәдә мүгавилә имзаланыб вә Анкара бу системин сатын алынмасындан ҝери чәкилмәјәҹәкдир.
Түркијәнин Американын јеринә, Русијадан гырыҹы сатын алмагла һәдәләмәси елә бир һалдадыр ки, Түркијә президенти Рәҹәб Тајјып Әрдоған да базар ертәси ҝүнү Москвада өз рус һәмкары Владимир Путинлә бирҝә мәтбуат конфрансында Русијадан С-400 ракет мүдафиә системинин сатын алынмасы барәдәки разылашманы гәти адландырараг, вурғулады ки, Американын тәһдидинин бу мүгавиләнин иҹрасында һеч бир тәсири олмајаҹагдыр.
Америка сон ајларда дәфәләрлә Русијадан С-400 ракет мүдафиә системинин сатын алынмасы барәдә Түркијәјә хәбәрдарлыг едибдир.
Америка мүдафиә назирлији- Пентагон-ун сөзчүсү- Чарлз Саммерс сон заманлар бир мәтбуат конфрансында билдирди ки, С-400 ракет мүдафиә системинин сатын алынмасынын Түркијә үчүн тәһлүкәли нәтиҹәләри олаҹагдыр.
Түркијәјә С-400 ракет мүдафиә системинин сатылмасы һагда мүгавилә 2017-ҹи илин декабрында имзаланыб.
Ејни заманда 72 ракет атмаг, һәмчинин беш километрдән алтмыш километрәдәк мәсафәдән вә ики километрдән 27 километрәдәк һүндүрлүкдән тактики вә баллистик һәдәфләри мәһв етмәк габилијјәтинә малик олан С-400 һава һүҹумундан мүдафиә системи дүнјада ән модерн мүдафиә системләриндән һесаб олунур.
Диггәт: Хәбәрдән истифадә етдикдә мәнбәјә истинад лазымдыр
