Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, әксәр өлкәләрдән Кәрбәлаја ҝедән зијарәтчиләр Әрбәин мәрасимләринә гатылмаг үчүн бу мәгсәдлә Иран Ислам Республикасыны ән тәһлүкәсиз јол билирләр.
Бу һагда ачыглама верән Иран Ислам Республикасынын Астара Ҝөмрүјүнүн мүдири Ҹәлал Дијансаи Азәрбајҹан Республикасы вәтәндашларынын карванлар һалында Әрбәин мәрасиминә гатылмаг мәгсәдијлә Астара сәрһәд гапысыны истифадә едәрәк Кәрбәлаја ҝетмәкдә олдугларыны билдириб.
Азәрбајҹанлы Әһли-бејт (әлејһим сәлам) ашигләринин ИИР-Ираг сәрһәдиндәки Меһран ҝөмрүјнү кечдикдән сонра Кәрбәла истигамәтинә пијада ҝетмәјә башладыгларыны ифадә едән Дијансаи, кечән ил бу мәгсәдлә тәкҹә Астара сәрһәд гапысындан 4700 Азәрбајҹанлы Шиәнин Кәрбәлаја ҝетдијини вә бу әдәдин бу ил 6500 адам олмасынын ҝөзләнилдијини билдириб.
Хорасани Рәзәви әјаләтиндә јерләшән Тајбад Сәрһәд шәһәри губернатору Һүсејин Шәрафәт дә `ИРНА'-ја вердији ачыгламада Әфганыстан Республикасындан 1500 нәфәрин тәкҹә дүнән Базар ҝүнү Кәрбәлада Әрбәин мәрасимләринә гатылмаг үчүн Иран Ислам Республикасына дахил олдугларыны дејиб.
Диҝәр тәрәфдән Иран Ислам Республикасынын Пакистандакы сәфирлик вә консолослуглары, Пакистан вәтәндашларынын Әрбәин мәрасиминә гатылмаг мәгсәдијлә ИИР торпагларындан истифадә етмәк үчүн чох сајда виза алдыгларыны ачыглајыб.
Диггәт: Хәбәрдән истифадә етдикдә мәнбәјә истинад лазымдыр
