Әһли Бејт (әлејһимус сәлам) -АБНА- Хәбәр Аҝентлији- Һиҹри Гәмәри тарихи илә Рәҹәб ајынын 13-ү, Аллаһ Тәала тәрәфиндән бәшәр вә ҹин тајфаларына (ағыл саһибләринә) Имам вә Хәлифә тәјин етмиш һәзрәт Әмирәлмөминин, Мөвләлмуттәгин, Әсәдуллаһилғалиб Әли ибн Әбу Талиб әлејһимә сәламын мөвлудунун илдөнүмү ҝүнүдүр. Ејни заманда бу ҝүн Ислам Аләминдә һәзрәти Әли ибн Әбу Талибин шәрәфинә хатир “Аталар Ҝүнү” кми дә гејд олунур.
14 әср әввәл, Амул Фил илиндән (христиан Әбрәһәнин Кәбә Евини дағытмаг истәдији замандан) 30 ил сонра мүбарәк Рәҹәб ајынын 13-дә Һәзрәти Әли (әлејһи сәлам) Кәбәдә дүнјаја ҝөз ачмышды. Атасы, Пејғәмбәрин әмиси вә һамиси олмуш Әбу Талиб, анасы Фатимә бинт Әсәд иди. Фатимә бинт Әсәд һәзрәти Әлини дүнјаја ҝәтирмәсинә аз галмыш Кәбәни зијарәт етмәк вә Аллаһ Тәаладан бу ишдә она јардым ҝөстәрмәк үчүн Кәбә Евинә ҝәлир. Һәзрәти Исанын Бејтул Мүгәддәсдә дүнјаја ҝәтирилмәсинә разылашмајан Уҹа Аллаһ Өз Еви адландырдығы Кәбәнин диварларыны Гүдрәтилә аралајараг Фатимә бинти Әсәди ичәри дахил етди. Даһа сонра диварлар јенидән битишди. Гурејшлиләр нә гәдәр ҹәһд етсәләр дә гапылары ача билмәдиләр. Бир нечә ҝүндән сонра Кәбәнин гапылары тајбатај ачылды вә Фатимә (сәламуллаһи әлејһа) гуҹағында һәзрәти Әли (әлејһи сәлам) илә чыхды.
Һәлә јенијетмәлик јашларындан Әзиз Ислам Пејғәмбәрин (сәлләллаһу әлејһи вә алиһ) јанында бөјүјүб, баша чатан һәзрәт Әли (әлејһи сәлам) Ислам дининә иман ҝәтирән илк киши вә Нәбијји-Әкрәм (сәлләллаһу әлејһи вә алиһ) тәрәфиндән Ислам Динин тәблиғи вә рәваҹ верилмәсиндә о һәзрәтин әсас јардымчысы һесаб едилирдиләр.
Әмирәлмөминин Әли (әлејһи сәлам) һәзрәт Мәһәммәдин (сәлләллаһу әлејһи вә алиһ) әзиз гызы һәзрәт Фатимә (сәлләллаһу әлејһи вә алиһ) илә һәјат гурур ки, бу сәмави никаһын нәтиҹәси Имам Һәсән (әлејһи сәлам) вә Имам Һүсејн (әлејһи сәлам) идиләр. Онларын әзиз нәслиндән Ислам Үммәтинин һидајәти вә Әзиз Ислам Пејғәмбәринин рисаләтинин давамы үчүн Әһли-Бејт (әлејһим сәлам) дүнјаја ҝөз ачдылар.
Әзиз Ислам Пејғәмбәри Һәзрәт Әли (әлејһи сәлам) Гәдири-Хум Бајрамында мүсәлманлара хитабән белә бујурдулар:" Һәр кәс ки, мән онун вәлиси вә мөвласыјам, мәндән сонра Әли онун вәлиси вә мөвласыдыр".
АБНА сајтынын редаксија үзвләри бәчәријјәтин Атасы олан һәзрәт Әлинин (әлејһи сәлам) дүнјаја ҝөз ачмасынын илдөнүмү ҝүнүнү мүнасибәти илә илк өнҹә Имам Заман (Аллаһ онун шәрәфли зүһуруну тезләшдирсин) һәзрәтләринә, Онун һагг наиби Ајәтуллаһ Сејјид Әли Хаменеијә, Али Тәглид Мәрҹәләринә, бүтүн инс вә ҹинс тајфаларына вә һәр бир Атаја сәмими гәлбдән тәбрик едирик! “Аталар Ҝүнү” Мүбарәк!
Һәдисләр
Һәзрәт Рәсулуллаһдан (сәлләллаһу әлејһи вә алиһ) нәгл едирләр: «Ҝөрдүм ки, беһиштин гапысына јазылмышдыр: “Аллаһдан башга мә’буд јохдур, Мүһәммәд (сәлләллаһу әлејһи вә алиһ) Онун елчисидир, Әли (әлејһи сәлам) - онун (Пејғәмбәрин) гардашыдыр”».
Диҝәр мүбарәк һәдисдә Һәзрәт Рәсули - Әкрәмдән (сәлләллаһу әлејһи вә алиһ) нәгл едирләр: «Еј Әли ҹан! Иманын сәнин әтин вә ганынла гарышмасы, мәним әтимә вә ганыма гарышмасы гәдәрдир».
Мөвламыз, интизарында олдуғумуз, бәшәрә ниҹат верәҹәк мүбарәк Имамымыз Һәзрәт Меһди Саһиб-әз-зәманын (Аллаһ онун шәрәфли зүһуруну тезләшдирсин) етдији дуалардан бириндә дејилир: «Илаһи!...Әмирәлмөмининә, Пејғәмбәрин (сәлләллаһу әлејһи вә алиһ) варисинә, дәстәмаздан нурлананларын рәһбәринә, вәсиләрин сәрвәринә салам ҝөндәр!».
Һәзрәт Әли (әлејһи сәлам) белә мүнаҹат едирмиш: «Илаһи! Мән агибәтимин, сонумун горхусундан дејил вә ја мүкафатына гаршы рәғбәтдән дејил, һәгигәтдә мән јалныз Сәни ибадәт үчүн лајиг тапдығым үчүн Сәнә ибадәт етдим».
Диггәт: Хәбәрдән истифадә етдикдә мәнбәјә истинад лазымдыр
