Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Һизбуллаһ" һәрәкатынын рәһбәри "Әл-Әхбариjә" телеканалында ҹанлы jаjымда олуб
Ливан "Һибзуллаһ" һәрәкатынын рәһбәри Сеjид Һәсән Нәсруллаһ Суриjанын "Әл-Әхбариjә" телеканалында данышыб. Сәудиjjәнин даим "Әл-Гаидә" вә ИШИД-ә jардым етдиjини сөjләjән Нәсруллаһ бөлҝәнин чох критик мәрһәләдән кечдиjини геjд едиб.
О, бу барәдә белә данышыб: " Әслиндә сиjаси гаршыдурмаларын jашандығы бу һадисәләрдә дини шүарлар ҝүндәмә ҝәтирилир. Фәләстиндә jашанан олаjары да ҝөтүрсәк, ҝүнаһсыз инсанларын ганыны төкән Исраиллә мүһарибә едилдиjини ҝөрүрүк. Бу мүһарибә дә мүсәлманлар вә jәһудиләр арасында олан мүһарибә деjил. Шүбһәсиз, реҝионда баш верән һадисәләр, дини мүнагишәләр деjил вә сиjаси мүнагишәләрдир".
Нәсруллаһ ачыгламасынын давамында Суриjада баш верән һадисәләрә тохунуб: "Илк башда бәзи өлкәләр Суриjа бөһранынын узанаҹағы вә Дәмәшгин 2-3 аjдан сонра зәбт едиләҹәjини дүшүнүрдүләр. Суриjа мүстәгил олараг давранан өлкәләрдән биридир вә бөлҝә һадисәләриндә мүстәгил сиjасәт мүәjjән едир. Суриjаны ҝөз өнүнә алмадан реҝиондакы һадисәләрлә бағлы даныша билмәрик. Бәшәр Әсәд һәр заман Суриjанын мараглары вә мәнафеләри истигамәтиндә чалышыб, Суриjаны горумаг вә өлкәнин мүстәгиллиjи үчүн сәj ҝөстәрир". "Әл-Гаидә"нин Суриjадакы фәалиjjәти илә бағлы данышан Нәсруллаһ, " "Әл-Гаидә" бүтүн өлкәни нәзарәт алтына алмаг мәгсәдилә Суриjаjа дахил олмушду. Суриjа әлеjһинә мүһарибәjә башлаjанлар мәғлубиjjәтә мәһкумдур"- деjә билдириб. Иранын Суриjаjа һеч бир һәрби jардым ҝөстәрмәдиjини геjд едән Нәсруллаһ, Иранын jалныз мәсләһәтләр вердиjини вәә бу мәсләһәтләрин Суриjа бөһранындан әввәл дә верилдиjини ачыглаjыб. Нәсруллаһ ачыгламаларынын давамында исә тәкфирчи идеолоҝиjанын Сәудуjjә Әрәбистанындан гаjнагландығыны билдирәрәк, "ИШИД-ә ән бөjүк дәстәкләри верән өлкә Сәудиjjә Әрәбистаныдыр.
Һәр заман фәргли груплар васитәсилә саваша гатылан Әрәбистан, бу дәфә бирбаша дөjүшә ҝирди вә Ираг, Суриjа вә Јәмәндәки ҝүнаһсыз инсанларын ганыны төкдү. Әрәбистан, Јәмән һүҹумларына ән гыса заманда сон вермәли вә jәмәнли групларын беjнәлхалг мүшаһидәләр алтында данышыглар масасына отурмасына иҹазә вермәлидир.
Сәудиjjә Әрәбистаны Јәмән әлеjһинә мүһарибәjә башлады вә Әрәб Бирлиjи Конфрансында диҝәр әрәб өлкәләриндән дәстәк истәди. Бу, әрәб өлкәләри әлеjһинә тәшкил едилмиш бөjүк бир хәjанәтдир"- деjиб вә Түркиjәнин дә Јәмән тәҹавүзүнә гошулмасы еһтималынын ашағы олдуғуну әлавә едиб.
Диггәт: Хәбәрдән истифадә етдикдә мәнбәjә истинад лазымдыр
