Шәмхани: Санксиjалар тәсирсиздир

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Иранын Али Милли Тәһлүкәсизлик Шурасынын катиби санксиjалар вә һәрби һәдәләри тәсирсиз адландырараг Иран Ислам Республикасы илә анлашманын jеҝанә jолу мәнтиг вә мүзакирә һесаб едиб.
Сәһәр Беjнәлхалг Телевизиjасынын мәлуматына ҝөрә, Иран Али Милли Тәһлүкәсизлик Шурасынын катиби Әли Шәмхани ҝүнәш или илә 1393-ҹү илдә бу шуранын катиблиjинин мүавинләри илә сон иҹласында хатырладыб: Дүшмән санксиjаны силаһ кими адландырыр. Лакин мүстәгил өлкә вә һәjата малик олмаг үзрә Иран халгынын ирадәси ҝөстәрди ки, бу силаһ санксиjалардан даһа итидир.
Иран вә 5+1 Групу арасында нүвә мүзакирәләринә мүнасибәт билдирән Шәмхани гаршы тәрәфи Иранла анлашманы әлдә етмәjә еһтиjаҹлы адландырыб вә деjиб: Беjнәлхалг гаjдалара әсасән вә jанлыш тәзjиг вә тәһдид методуну кәнара гоjмагла Иранын һүгугунун рәсмән танынмасы илә jахшы анлашма реаллаша биләр.
Иран Али Милли Тәһлүкәсизлик Шурасынын катиби деjиб: Һазырда топ гаршы тәрәфин меjданындадыр. Чүнки Иран мүштәрәк тәшәббүс програмына әсасән бүтүн өһдәликләрини jеринә jетириб вә сүбут едиб ки, хошмәрамлыдыр вә һазырда гаршы тәрәф бүтүн санксиjалары ләғв етмәклә өз практики ирадәсини исбат етмәлидир.
"Анлашманын әлдә олунмасы ифратчыларын ардынҹа олдуғу реҝионал проблемләрин идарә олунмасы үчүн мүнасиб jол кими диггәт мәркәзиндә сахланыла биләр" -деjә Шәмхани әлавә едиб.
Сон илләрдә Иранын инкишафы, хүсусилә дә сүлһмәрамлы нүвә гаршысында санксиjалары вә һәрби һәдәләри тәсирсиз адландыран Шәмханинин фикринҹә, Иран Ислам Республикасы илә анлашманын jеҝанә jолу мәнтиг вә мүзакирәдир.
Иран Али Милли Тәһлүкәсизлик Шурасынын катиби дахили тәһлүкәсизлик мәсәләсиндә Ираны реҝионун ән стабилли вә ән игтидарлы өлкәси адландырараг деjиб: Ислам Ингилабынын Бөjүк Рәһбәринин тәjинедиҹи ролу, үчлү гүввәләрин рәһбәрләри арасында координасиjа, вә халгын һакимиjjәти дәстәкләмәси дахили стабиллик вә реҝионал гүдрәт үчүн шәраит jарадыб.
Контр-адмирал Шәмхани реҝионал сәһнәдә дә Иран Ислам Республикасынын тәсирли стратеҝиjаларыны шәрһ едәрәк реҝиондакы тәһлүкәсизлиjи Иранын конструктив сиjасәтләринин нәтиҹәси адландырыб.
"Терроризмлә ҹидди мүбаризә вә террорчу груплашмаларын иштиракы илә jаранан тәһлүкәләр гаршысында реҝион халгларынын дәстәкләнмәси мәнтиги һәлл jолу вә Иранын хошмәрамлылығыны әкс етдирир" -деjә Шәмхани билдириб.
Иран Али Милли Тәһлүкәсизлик Шурасынын катиби хатырладыб: Иран Ислам Республикасынын хариҹи сиjасәти дүнjа өлкәләри, хүсусилә дә гоншу өлкәләрлә әмәкдашлыглары ҝенишләндирмәjә әсасланмышдыр.
ИШИД террор груплашмасынын мәғлубиjjәтә уғрамасыны вурғулаjан Шәмханинин сөзләринә ҝөрә, ИШИД фитнә төрәтмәк, ихтилаф jаратмаг вә шиә вә сүнни арасында бошлуг золағыны ҝенишләндирмәк мәгсәдилә jарадылды. Белә ки, Гәрбин стратеҝиjасы илә еjни истигамәтдә аддым атыр вә Гәрб бу потенсиалдан фаjдаланыр.
Шәмхани әлавә едиб: Бу террор груплашмасы Ираг вә Суриjа ҝәнҹләриндән ибарәт реҝионун аjаға галхмыш вә терроризмә гаршы олан гүввәләринин сәjләри илә мәһв едилмәкдәдир.
Диггәт: Хәбәрдән истифадә етдикдә мәнбәjә истинад лазымдыр