Һәбсдән чыхмыш исламчылар "Бандотдел"ә чағырылды

Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Бакы режими Исламчылардан әл чәкмир.

Мәлумата әсасән, дүнән 6 ај әввәл һәбс мүддәти баша чатараг азадлығыа чыхан Исламчы мәһкумларын Мүтәшәккил Ҹинајәткарлыға гаршы Мүбаризә идарәсинә чағырылблар.

Бу дәвәтин сәбәбләри илә марагланан Исламинсеси.орҝ сајтынын әмәкдашына Пејғәмбәрин (сәлләллаһу әлејһи вә алиһ) Шәһадәти вә Хоҹалы сојгырымынын илдөнүмү илә бағлы Исламчыларын Шәһидләр Хијабанына јүрүшү заманы сахланылараг 4 ил јарым мүддәтинә һәбс ҹәзасына мәһкум олунан, өтән илин орталарында азадлыға чыхан Ислам Партијасынын функсионери Елмар Сәмәдов мүсаһибә вериб.

-Белә бир мәлумат алдыг ки, сизи дүнән “Бандотдел” дә диндирибләр. Сизи бу идарәјә нәјә ҝөрә чағырмышдылар, һансы мәсәләдә тәгсирләндирирдиләр?

-Мәлум мәсәләдир ки, бу идарәјә адамлары нәјә ҝөрә дәвәт едирләр. Мәни дә ҹағырыб шантаж вә һәдәләр сәсләндирдиләр, әҝәр бир дә сахлансам 10 ил һәбс ҹәзасы алачағымы дедиләр. Мәндән изаһат алдылар,јашајыш јерим вә ишимлә марагландылар.

-Ахи сизи конкрет олараг нәдә тәгсирләндирирдиләр?

-Дејирдиләр ки, ҝуја тез-тез пикетләр тәшкил едирик, сабитлији позуруг.

-Ахы Исламчыларын өтән илин нојабр ајында тәшкил етдији митингә иҹазә верилмәдији үчүн тәхирә салынмышды. Һәлә ки, јени аксијалар да нәзәрдә тутулмур, сөһбәт һансы пикетләрдән ҝедирди?

-Мәсәлә бундадыр ки, сон 4-5 ајда һеҹ бир пикет кечирилмәјиб вә һәләлик кечирилмәси дә планлашдырылмыр. Чүнки Ислам Партијасы өлкәдә ҝәрҝинлик јаратмамаг үчүн јалныз иҹазәли аксијалар кечирмәјә гәрар вериб. Үзвү олдуғум бу  партија һәр заман дөвләтчилијин горунмасы, орду гуруҹулуғу, әрази бүтөвлүјүнүн тәмин олунмасы истигамәтини фәал дәстәкләјир, милли вәтәнпәрвәрлик һиссләринин тәблиғи илә мәшғул олур.

Амма мәним өзүмә ҝәлинҹә, бу пикетләр кечирилсәјди белә, онлара гатылмаға һәлә физики имканым јох иди. Чүнки зинданда олдуғум илләрдә сәһһәтимдә ҹидди проблемләр јараныб вә индијә гәдәр мүалиҹәдә олсам да, сағламлығымы там бәрпа едә билмәмишәм.

-Сиздән башга да ора чағырылан олду?

-Һә, мәминлә ејни ҝүндә азадлыға чыхмыш Ағәли адлы кечмиш мәһбус диндар да идарәјә чағрылмышды. О, партија үзвү дејил, тәәссүбкешләрдәндир. Онун ҝедиб ҝетмәмәјиндән һәләлик хәбәрим јохдур.


Диггәт: Хәбәрдән истифадә етдикдә мәнбәјә истинад лазымдыр