Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Ҝүрҹүстанда Ебола хәстәлијинә јолухмасы еһтимал едилән бир нечә нәфәр һәкимләрин нәзарәти алтындадыр.
Ҝүрҹүстанын Хәстәликләрә Нәзарәт вә Иҹтимаи Сәһијјә Милли Мәркәзинин Мүшаһидә Шурасынын рәһбәри Паата Имнадзе журналистләрлә кечирилән мәтбуат конфрансында билдириб.
П. Имнадзе сон үч ај әрзиндә Гәрби Африкадан Ҝүрҹүстана 84 нәфәрин ҝәлдијини вә хәстәлик еһтималынын мәһз онлара аид олундуғунун мүмкүнлүјүнү билдириб.
"Ҝүрҹүстана ҝәләнләрин чохусу Ниҝеријадан олуб. Онлар 21 ҝүн карантин кечдикдән сонра, бу адамлара нәзарәт едилмир. Мәлумата ҝөрә, һәләлик бир нечә нәфәр һәкимләрин нәзарәти алтындадыр".- дејә П. Имнадзе билдириб.
П. Имнадзе билдириб ки, хәстәлијә тутулмаг еһтималы олунан бир нечә нәфәрин карантин мүддәти һәлә кечмәјиб вә мүддәт сона јетдикдән сонра мүајинә олунан бу инсанлара даһа нәзарәт едилмәјәҹәк.
Гејд едәк ки, Ебола вирусу 2014-ҹү илин февралында Гвинејада гејдә алыныб вә сонра вирус Сиерра Леоне, Либерија, Ниҝерија, Конго вә Сенегал Демократик Республикасына јајылыб. Хәстәлик АБШ вә Авропада да гејдә алыныб. Үмумдүнја Сәһијјә Тәшкилатынын (ҮСТ) мәлуматына ҝөрә, Ебола вирусуна јолуханларын сајы 8000 нәфәри кечиб вә бу хәстәликдән 4 мин нәфәр өлүб.
Диггәт: Хәбәрдән истифадә етдикдә мәнбәјә истинад лазымдыр
