“Стратеҝиjа-2020” баш тутмаса, Украjнаны фәлакәт ҝөзләjир

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, “Реал вәзиjjәтин шаһиди олдугдан сонра Украjнадакы дурумун һеч дә үрәкачан олмадығы гәнаәтинә ҝәлмәк чәтин деjил”.

Бу сөзләри Ахар.аз-а Украjна сәфәриндән jениҹә гаjытмыш “Атлас” Арашдырмалар Мәркәзинин рәһбәри Елхан Шаһиноғлу Киjевдәки вәзиjjәти шәрһ едәркән деjиб.
Киjевдәки  сон дурумла даһа jахындан таныш олан политолог реал вәзиjjәти белә шәрһ етди:
 “Украjнада вәзиjjәт һәгигәтән ағыр олараг галыр. Һазырда өлкә 26 октjабрда баш тутаҹаг парламент сечкиләрини кечирмәjә һазырлашыр. Мүхтәлиф гүввәләр арасында мүбаризә ҝедир. Бөjүк еһтималла Порошеконун блоку сечкиләрдә гәләбә чалаҹаг. Анҹаг парламент сечкиләри о демәк деjил ки, бу, Украjнадакы проблемләри арадан галдыраҹаг. Чүнки Киjевдә һәлә дә һәллини ҝөзләjән мүхтәлиф проблемләр вар. Ишғал факты, бүдҹә бошлуғу, өлкәнин кредит ала билмәмәси, газ вә башга истигамәтләрдәки проблемләр дәһшәтли гышдан хәбәр верир. Порошенко чох гәтиjjәтли сиjасәт jүрүтмәjә чалышыр. Президентин елан етдиjи jени “стратеҝиjа- 2020” адланан планында 60-а jахын ислаһатла бағлы пакет вар. Бурада коррупсиjа илә бағлы мүбаризә, кредит, енержи аксионунун азадылмасы кими мәсәләләр әсас тутулуб. Әлбәттә ки, чәтин олаҹаг, чүнки мүһарибә давам едир. Һәлә ки Русиjа сепаратчылара дәстәjини әсирҝәмир. Әҝәр Порошенко проблемләри аддым-аддым һәлл едә билмәсә, Украjнада вәзиjjәт jенидән ҝәрҝинләшә, Президенти дә еjнилә Јушенконун талеjи ҝөзләjә биләр.  Билдиjимиз кими, Јушенкону да халг һакимиjjәтә ҝәтирди вә сонрадан сечкиләрдә чох аҹы мәғлубиjjәтлә үзләшәрәк дөрд фаиз реjтинглә һакимиjjәтдән ҝетмәли олду. Буна ҝөрә дә Порошенко елан етдиjи ислаһатлары jеринә jетирә билмәсә, сиjаси вәзиjjәт әввәлкиндән ағыр олаҹаг. Бу да Украjнада аранын jенидән гарышмасына ҝәтириб чыхара биләр”.
Диггәт: Хәбәрдән истифадә етдикдә мәнбәjә истинад лазымдыр