Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Азәрбајҹан Ислам Партијасынын Лидери, Али Савадлы Дини Хадим вә Һәким Һаҹы Мөвсүм Сәмәдова гаршы гәрәзли аддымлара вә тәзјигләрә гаршы етиразлар ҝүнбәҝүн шиддәтләнир.
Белә ки, етираз далғаларына гошулан "Милли-Мәнәви Дәјәрләр" Иҹтимаи Бирлији дә өз нөвбәсиндә Мөвсүм Сәмәдова гаршы олан тәзјигләрлә бағлы мүраҹиәт јајымлајыб.
ММДИБ-нин мәтбуат хидмәтиндән дахил олан мүраҹиәти олдуғу кими тәгдим едирик:
“АИП сәдри Һаҹы Мөвсүм Сәмәдовун 11 сајлы ҸЧМ-дәки негатив һаллары мәтбуат васитәсилә тәнгид етдикдән сонра она гаршы тәзјигләр ҝүндән ҝүнә артыр. Әлдә олунан мәлуматлара ҝөрә, о, 11 сајлы ҸЧМ-дән 12 сајлы ҸЧМ-нә көчүрүлмүш, орада бир мүддәт ҹәза камерасына салынмышдыр. Бу ҝүн исә, АИП лидеринин Гобустандакы гапалы типли һәбсханаја көчүрүлмәсилә бағлы мәлуматлар јајылыб. ММДИБ бу тәзјигләри ганунсуз һесаб едир вә бу тәзјигләрин вәтәндаш ҹәмијјәтиндә сәссиз гәбул едилмәјәҹәјини билдирир. ММДИБ билдирир ки, Мөвсүм Сәмәдова гаршы “ганун позан” дамғасы гәбуледилмәздир, чүнки Ислами ҹамеә онун әхлаг устады олдуғуну билир вә әхлаги бахымындан неҹә јүксәк дәјәрләрә саһиб олдуғуну унутмамышдыр. Бундан өнҹә дә бу нөв тәзјигләр Һаҹы Абҝүл Сүлејманова гаршы һәјата кечирилмиш вә ҹәмијјәт Пенитенсиар Хидмәтин бу аддымларыны гынамышдыр. Һәр ики руһанијә гаршы белә мәкрли аддымлары диндар-дөвләт әлагәләринин позулмасына һесабландығыны һесаб едирик. Әхлаг тәблиғ едән алимләрә гаршы әхлаг нормаларыны позмаг иттиһамы ҝүлүнҹ вә сарсыдыҹыдыр.
Бу Тәшкилат һәмчинин, Пенитенсиар Хидмәтдән Мөвсүм Сәмәдова гаршы олан бүтүн тәзјигләрин дајандырылмасыны вә әввәлдән позулмуш һүгугларынын мәһдудлашдырылмасына сон гојулмасыны тәләб едир. ММДИБ Ислами Ҹамеәнин танынмыш сималарыны вә ислами тәшкилатлары бу ганунсузлуға сәссиз галмамаға чағырыр.”
Диггәт: Хәбәрдән истифадә етдикдә мәнбәјә истинад лазымдыр
