Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Азәрбајҹан Ислам Партијасынын Ҝәнҹә комитәси өзәк үзвләринин дә гатылдығы ҝениш топланты кечириб.
Иҹласда АИП сәдри һаҹы Мөвсүм Сәмәдова гаршы јол верилән һагсызлыглар, бу дөзүлмәз һалын арадан галдырылмасы үчүн етираз аксијаларынын тәшкили вә диҝәр мәсәләләр мүзакирә олунуб.
Комитә үзвләри сахта иттиһамларла һәбс олунмуш АИП сәдринин дәрһал азад олунмасы тәләби илә давамлы митингләр тәшкил етмәјин тәрәфдары кими чыхыш едибләр.
М. Сәмәдовун бу ҝүнә гәдәр сахланылдығы 11 сајлы һәбсханадан чыхарылараг шәһәрдән узаг, дөзүлмәз шәраитли ҹәзачәкмә мүәссисәсинә ҝөндәрилмәсини кәскин шәкилдә писләјән комитә үзвләри бүтүн бу һагсызлыглара гаршы адекват аддымлар атылмасынын ваҹиблијини вурғулајыблар.
Партија рәһбәрлијинин јекун гәрарыны ҝөзләдикләрини дејән комитә сәлаһијјәтлиси Физули Аббасов гаршыдакы ҝүнләрдә һәмин гәрара әсасән һәрәкәт едәҹәкләрини диггәтә чатдырыб.
Комитә үзвләри һаҹынын хүсуси ҹәза режиминә салынмасыны она гаршы гәрәз һесаб едәрәк, кәскин писләмәклә гәбул етдикләри бәјанатда АИП сәдринин дәрһал “карс”дан азад едилмәсини тәләб едибләр.
Диггәт: Хәбәрдән истифадә етдикдә мәнбәјә истинад лазымдыр
