Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Бангладеш мәркәзи режиминин Ислам вә Мүсәлманлара гаршы апардығы антиИслам сијасәтләр давам едир. Режим мәмурлары өлкәдәки Ислами Тәшкилатларын активистләрини едам едиб, әбәди һәбс ҹәзасына мәһкум етмәклә јанашы бир даһа Ислама гаршы мөвге сәрҝиләдикләрини нүмајиш етдирибләр.
Алдығымыз мәлумата ҝөрә, режимин антиИслам сијасәтләринин нөвбәти гурбаны Ислами Ҹамаат Партијасынын Лидери Дилавәр Һусејн Сејјид олуб.
2013-ҹү илдә Ислам Ҹамааты Партијасынын сабиг Лидери “Әбдүл Гадир Молла”нын режим тәрәфиндән едам олунмасындан сонра, Партијанын нөвбәти Лидери кими танынан Дилавәр Һусејн Сејјид, мөвҹуд режимин Али Мәһкәмәси тәрәфиндән она гаршы ирәли сүрүлән гондарма иттиһамлара әсасән әбәди һәбс ҹәзасына мәһкум едилиб.
Мәһкәмәнин әдаләтсиз һөкмүндән сонра, өлкәнин мүхтәлиф бөлҝә вә мәнтәгәләриндә етираз аксијалары тәшкил олунуб. Вәтәндаш топлумлары Дилавә Һусејн Сејјидә гаршы чыхарылмыш һөкмә етираз әламәти олараг, ики ҝүн ардыҹыл өлкә бөју митингләр тәшкил едибләр.
Диггәт: Хәбәрдән истифадә етдикдә мәнбәјә истинад лазымдыр
