Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән,
Авропа Иттифагынын ҝенишләнмә үзрә комиссары Штефан Фуле базар ертәси ахшам Азәрбаjҹан вәтәндаш ҹәмиjjәтинин бир груп әмәкдашы илә ҝөрүшүб
Комиссар өлкәдә инсан һагларынын мәһдудлашдырылмасы фактлары илә бағлы ҹидди нараһатлығыны ифадә едиб.
“Авропа Иттифагы һазрки вәзиjjәтдә вәтәндаш ҹәмиjjәти фәалларынын әзмкарлығыны чох jүксәк гиjмәтләндирир. Биз инсан һаглары, демократиjа вә әсас азадлыглар илә бағлы проблемләри диггәтлә изләjирик. Авропа Иттифагы дәфәләрлә вәтәндаш ҹәмиjjәти илә бағлы ганунвериҹилиjә едилмиш мәһдудлашдырыҹы дәjишикликләр, бир сыра танынмыш вәтәндаш ҹәмиjjәти лидерләринин һәбси илә бағлы өз нараһатлығыны ифадә едиб”, Фуле деjиб.
Авропа комиссары стабил демократик дөвләтдә иҹтимаи дебатларын чох ваҹиб олдуғуну хатырладыб.
“Мәһз буна ҝөрә дә биз Азәрбаjҹанын вәтәндаш ҹәмиjjәтини дәстәкләмишик вә дәстәкләjәҹәjик. Бу мәгсәдлә Авропа Иттифагы Азәрбаjҹан вәтәндаш ҹәмиjjәтинә, демократиjа вә инсан һаглары саһәсиндә фәалиjjәт ҝөстәрән ГҺТ-ләрә 3 милjон авро аjырыб”.
Гапалы кечирилән ҝөрүшдә Фуле вә вәтәндаш ҹәмиjjәти нүмаjәндәләри мөвҹуд дуруму мүзакирә едиб.
Диггәт: Хәбәрдән истифадә етдикдә мәнбәjә истинад лазымдыр
