Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән,Уелс ҝөрүшүндә Ҹон Керри Дағлыг Гарабағ мүнагишәсинин һәлли үчүн өлкәсинин һансы истигамәтдә иш апармалы олдуғуну өjрәнмәк истәjирди”
“НАТО саммити чәрчивәсиндә Уелсдә президентләр сәвиjjәсиндә кечирилән ҝөрүшдә АБШ дөвләт катиби Ҹон Керри Дағлыг Гарабағ мүнагишәсинин һәлли үчүн өлкәсинин һансы истигамәтдә иш апармалы олдуғуну өjрәнмәк истәjирди”.
АПА-нын мәлуматына ҝөрә, буну Азәрбаjҹанын хариҹи ишләр назири Елмар Мәммәдjаров ХИН-дә молдовалы һәмкары Наталиа Ҝерманла кечирдиjи бирҝә мәтбуат конфрансында деjиб. О геjд едиб ки, ҝөрүшдә бөjүк сүлһ сазишинин лаjиһәси үзрә ишин башланмасынын вахтынын чатдығы билдирилиб: “Азәрбаjҹанын мөвгеjи беләдир ки, ҝөрүш хәтринә ҝөрүш олмамалы вә конкрет мәсәләләр мүзакирәjә чыхарылмалыдыр. Ән бөjүк проблем Ермәнистан гошунларынын Азәрбаjҹан әразиләриндә мөвҹудлуғудур. Онлар ишғал етдикләри әразиләрдән чыхмалыдырлар. Онларын ишғал едилмиш әразиләрдә галмасы тәһлүкәлидир вә Азәрбаjҹан бунунла һеч вахт разылашмаjаҹаг”.
Назирин сөзләринә ҝөрә, АБШ конкрет тәклиф едиб ки, бөjүк сүлһ сазиши үзәриндә иш апарылсын: “Ҝүман ки, бу аj АТӘТ-ин Минск Групунун АБШ-дан олан һәмсәдри Ҹеjмс Уорлик реҝиона сәфәр едәҹәк вә Нjу-Јоркда БМТ Баш Ассамблеjасы чәрчивәсиндә хариҹи ишләр назирләри сәвиjjәсиндә ҝөрүш кечириләҹәк”.
Диггәт: Хәбәрдән истифадә етдикдә мәнбәjә истинад лазымдыр
