Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән,
“1994-ҹү илдә Будапешт саммитиндән сонра Русиjа чалышырды ки, БМТ рус гошунларынын Гарабаға jерләшдирмәси үчүн онлара мандат версин”.Бу сөзләри Ахар.аз-а политолог Вәфа Гулузадә Русиjанын Хариҹи Ишләр назири Серҝеj Лавровун Бакыjа бу ҝүн ҝерчәкләшән сәфәрини шәрһ едәркән деjиб. О, Авропанын Азәрбаjҹана бөjүк дәстәк верәҹәjини билдириб:
“Авропанын Азәрбаjҹанда бөjүк марағы вар. Бағлы гапылар архасында енержи мәсәләләри, Набукко лаjиһәси мүзакирә олуна биләр. Бунларын һамысы реал мәсәләләрдир вә Азәрбаjҹан да бурада иштирак едәҹәк. Авропа исә Азәрбаjҹана лазым олан дәстәjи верәҹәк. Лавров чалышаҹаг ки, мүхтәлиф jолларла Азәрбаjҹаны Ҝөмрүк Иттифагына ҹәлб етсин. Сечим артыг Бакынындыр. Мәнә елә ҝәлир ки, Азәрбаjҹан Авропаны сечәҹәк, амма чалышаҹаг, Русиjаны инҹидәҹәк jолла ҝетмәсин. Бура Авропа Иттифагына дахил олмамаг шәрти дә аиддир”.
Политолог Путинин Илһам Әлиjевә тәсир едә билмәдиjинә ҝөрә нараһат олдуғуну деjиб:
“Биз Русиjанын вәдләринә чох өjрәшмишик. Бунларла Бакыны алдатмаг олмаз. Лавров Бакыjа дишини гыҹыjыб ҝәлир. Онлар бизи дә, ермәниләри дә адам саjмырлар. Мәсәлән, Путин Сәркисjаны Москваjа чағырды вә сонра ондан бәjанат jаjмасыны тәләб етди. Сәркисjан исә башыны әjиб, Ҝөмрүк Иттифагына дахил олаҹагларыны деди. Инди истәjирләр ки, Илһам Әлиjевлә дә белә олсун. Амма буну да едә билмәдикләринә ҝөрә чох нараһатдырлар. Мән әминәм ки, Лавровун сәфәриндән сонра мүхтәлиф бәjанатлар олаҹаг, амма мәсәләләр һәлл олунмаjаҹаг”.
В.Гулузадә Лавровун Ирәвана ҝетмәсинин оjун олдуғуну да сөjләjиб:
“Лавровун Ирәвана ҝетмәси дә бир оjундур. Онлар садәҹә Сәркисjаны Москваjа дәвәт едиб деjә дә биләрдиләр ки, Гарабағда 1-2 раjонумузу бошалтсынлар. Амма буну етмәклә бизим суверенлиjимизи әлимиздән ала билмәзләр. Тутаг ки, ики раjон бошалды. Бәс ондан сонра нә олаҹаг? Русиjа бу мәсәләнин һәллиндән сонра jенидән өз гошунларыны Азәрбаjҹана гаjтармаг истәjир. 1994-ҹү илдә Будапешт саммитиндән сонра Русиjа чалышырды ки, БМТ рус гошунларынын Гарабаға jерләшдирмәси үчүн онлара мандат версин. Инди Лавров деjәҹәк ки, ҝәлин, сизин раjонлары бошалдаг, амма ора рус гошунлары сүлһмәрамлы кими ҝәтирилсин. Биз дә о сүлһмәрамлыларын нә олдуғуну артыг Абхазиjада, Осетиjада ҝөрмүшүк. Буна исә игтидар һеч вахт разы олмамалыдыр”.
Геjд едәк ки, Русиjанын Хариҹи Ишләр назири артыг Бакыдадыр. Онун бурада Азәрбаjҹан рәсмиләри илә Дағлыг Гарабағла бағлы мүзакирәләр апараҹағы ҝөзләнилир.
Axar.az
Диггәт: Хәбәрдән истифадә етдикдә мәнбәjә истинад лазымдыр
