Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән,Америка Венесуела һөкумәтинин рәсмиләрини өз санксиjаларына мәруз гоjуб.
Франс-Пресс-ин мәлуматына ҝөрә, Америка Конгресинин Нүмаjәндәләр Палатасы чәршәнбә ҝүнү Венесуела һөкумәтинә гаршы санксиjанын тәтбиг олунмасына даир бир лаjиһәнин леһинә сәс верәрәк, ону гәбул едиб.
Рәсми Каракасын Венесуеладакы антиһөкумәт етиразлары илә гаршылашмадакы рәфтары бәһанәси илә бу өлкә һөкумәтинин санксиjа олунмасы лаjиһәси Америка Конгресинин Нүмаjәндәләр Палатасында сәсә гоjулуб.
Бу санксиjалара әсасән, Венесуеланын бәзи һөкумәт рәсмиләринин бүтүн әмлак вә малиjjәләри мүсадирә олунаҹаг вә бу рәсмиләрин һеч бири Америкаjа сәфәр иҹазәсинә малик олмаjаҹагдыр.
Венесуеланын президенти- Николас Мадоро чәршәнбә ҝүнү Америкаjа хәбәрдарлыг едиб ки, санксиjалар jолу мәғлубиjjәтә уғрамыш бир jолдур вә онун һөкумәти АБШ Конгресинин Венесуеланы санксиjа етмәк үзрә гәбул едәҹәjи һәр ҹүр гануну рәсми шәкилдә танымаjаҹагдыр.
Венесуела рәсмиләри дәфәләрлә Америка һөкумәтини Венесуеланын сосиалист һөкумәтини девирмәк мәгсәди илә етиразчылары һимаjә вә фитнәкарлыг етмәкдә иттиһам едибләр.
Теһран Радиосу
Диггәт: Хәбәрдән истифадә етдикдә мәнбәjә истинад лазымдыр
