Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, һәлә үч ил өнҹә Суријада сионист режиминә гаршы јаранмыш Мүгавимәт Һәракатына зәрбә ендирмәк мәгсәди илә АБШ, Түрк, Әрәб, ҹүһүд бирликләри тәрәфиндән дүнјанын дөрд бир сәмтиндән ҝәтиздирилмиш “сәләфи- вәһһаби- тәкфирчи” үнсүрләри артыг ики илдир ки, “гәнимәт” үстүндә бир бириләринин ҹанына дүшүбләр.
Мәлуматлара ҝөрә, Суријанын шәрг бөлҝәсиндәки Дејрә Зор әјаләтиндә гондарма “Ираг вә Шам Ислам Дөвләти” адлы террорчү груплашма илә азғын “әл-Нүсрә Ҹәбһәси” адлы “тәкфирчи” үнсүрләр арасындакы чәкишмәләр артыг ҝүнү-ҝүндән шиддәтләнмәкдәдир.
Белә ки, “әл-Нүсрә” јараглылары әл-Риггә шәһәриндә ҝедән дөјүшләр заманы гондарма “ИШИД” тәкфирчиләринин Әбу Мүнзәр, Әбу Һашим әл-Ҹизрави вә Әбу Сәлма әл-Әнсари адлы үч командирини әсир тутараг онлары вәһшиҹәсинә едам етдикдән сонра шәкилләрини сосиал шәбәкәләрдә пајлашыблар.
“әл-Нүсрә тәкфирчиләри” едамын сәбәбини “ИШИД” јараглыларынын “әл-Нүсрә” илә “Ислам Ҹәбһәси”нин Бадијәтүл Сүбһә мәнтәгәсиндә бирҝә јаратдыглары мүштәрәк мөвгеәринә силаһлы басгын етмәләри олдуғуну билдириб.
Буна ҹаваб олараг “ИШИД” јараглылары да өз нөвбәләриндә “әл-Нүсрә” јараглыларындан үч тәкфирчи үнсүрүнү вә “Ислам Ҹәбһәси” адлы јараглыларындан исә, әсир тутдуглары 29 “тәкфирчини” Дејрә Зор шәһәринин әл-Шула гәсәбәсиндә вәһшиҹәсинә едам едибләр.
Хатырладаг ки, террорчу груплашмалар арасында давам едән гаршыдурмалар елә бир вахтда баш верири ки, “ИШИД” јараглы груплашманын сәркәдәси Әбу Бәкр Багдади Суријанын Нефт јатаглары илә зәнҝин олан Дејрә Зор мәнтәгәси илә Ираг Республикасынын гәрб мәнтәгәсиндәки мөвгеләрини бәркитмәк әзминдәдир.
Сурја халгынын мүхалиф гүввәләри билдирибләр ки, “ИШИД” груплашмасы Дејрә Зор мәнтәгәсиндә диҝәр “тәкфирчи” груплашмалара гаршы уғурлу әмәлијјатлар һәјата кечирәрәк, Фурат чајынын шәрг һиссәсинин әксәр мәнтәгәсини өз контролу алтына кечириб.
АБНА- Хәбәр Аҝентлији
Диггәт: Хәбәрдән истифадә етдикдә мәнбәјә истинад лазымдыр
