Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Һомс шәһәриндән верилән мәлуматлара ҝөрә, үч ил фасиләдән сонра илк дәфә олараг Һомс шәһәринин Халид ибн Вәлид адлы Мәсҹидиндә Әһли Шиә вә Әһли Сүннәт ҹамаатынын давамчылары бир араја ҝәләрәк Ҹүмә Намазыны гылмышлар.
Гејд олунан Мәсҹиддә Ҹүмә Намазыны гылмаг, јахын ҝүнләрдә Һомс шәһәринин гәдим мәһәлләсини азғын “тәкфирчи” үнсүрләрдән тәмизләдикдән сонра мүмкүн олуб.
Һомс шәһәринин валиси Тәллал Бәрази бу һаггда данышараг билдириб: “Ҹүмә Намазынын гәдим тарихә малик олан Мәсҹиддә гылынмасы буну ҝөстәрир ки, Һомс шәһәри артыг тәһлүкәсиз вә сабит бир шәһәрдир.”
О даһа сонра билдириб: “Һөрмәтли Президент Бәшшар Әсәд ҹәнабларынын тапшырыглары чәрчивәсиндә мәсул шәхсләр Һомс шәһәринин јенидән гурулмасына старт верибләр.”
Һомс шәһәринин Иҹра Һакими даһа сонра билдириб: “Шәһәрә дәјән хәсарәтләрин дәгиг мәлуматыны әлдә етмәк вә шәһәрин јени лајиһә үзәриндә гурулмасы мәгсәди илә артыг Вәгф Назирлијинин фәрди комитәләри, һабелә мүһәндисләр үчүн лазымы хидмәтләр јарадылмышдыр.”
Сурија хачпәрәстләринин раһиби Селванс Петрос Нимә Һомс шәһәринә јенидән сабитликин вә тәһлүкәсизликин гајытмасындан хошһал олдуғуну билдирәрәк дејиб: “Бу әмин- аманлыг шәһәрин мәсул шәхсләринин вә һәмчинин Сурија Милли Ордусунун фәдакарлыглары сајәсиндә әлә ҝәлиб.”
Гејд едәк ки, мај ајынын 7-дә Сурија Милли Ордусу илә азғын тәкфирчи груплашмалры арасында имзаланан сүлһ мүгавиләсиндән сонра јараглы үнсүрләр Һомс шәһәрини там сүрәтдә тәрк едәрәк шәһәри јерли сакинләрә тәслим етмишләр. Гејд олунан сазишә ҝөрә, Сурија дөвләти БМТ нүмајәндәләринин иштиракы илә јараглы үнсүрләри 24 автобус нәгыијјаты илә Һомс мәнтәгәсиндән Дарул Кәбирә мәнтәгәсинә јолламышдыр.
АБНА- Хәбәр Аҝентлији
Диггәт: Хәбәрдән истифадә етдикдә мәнбәјә истинад лазымдыр
