Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән,
Тәхминән 50-jә jахын русиjамеjилли сепаратчы Донетскдә jерләшән дахили гошунларын һиссәсинә һүҹум етмәjә һазырлашырлар. Бу һагда "Интерфакс-Украjна" аҝентлиjи хәбәр вериб. Хәбәрләрә әсасән, һәрби һиссәнин рәһбәрлиjи һәрби гуллугчулара һүҹума һазыр олмағы әмр едиб. Әсҝәрләр дөjүшә һазырлыг вәзиjjәтиндә һиссәнин гапысы архасында мөвге тутуб.
Јерли инсанларын вердиjи хәбәрләрә ҝөрә, террорчулар ҝүлләкечирмәз жилетләр ҝеjинәрәк бир-биринә Калашников автоматлары паjлаjыр. Һазырда вәзиjjәт ҝәрҝин олараг галыр.
Геjд едәк ки, Украjнанын Славjанск шәһәриндә бу ҝүн кечирилмиш антитеррор әмәлиjjаты нәтиҹәсиндә 8 нәфәр өлүб, 16 нәфәр ҝүллә jарасы илә хәстәханалара jерләшдирилиб. Јаралыларын вәзиjjәти ағыр вә орта ағыр гиjмәтләндирилир.
Украjна ДИН рәһбәри Арсен Аваковун вердиjи ачыгламаjа әсасән, өтән ҝүн кечирилмиш антитеррор әмәлиjjаты нәтиҹәсиндә 30-дан чох террорчу өлдүрүлүб
Диггәт: Хәбәрдән истифадә етдикдә мәнбәjә истинад лазымдыр
