Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Ираг рәсмиләринин билдирдијинә ҝөрә, Шиәләрин 10-ҹу Мәсум Имамы, Һади (һидајәт едән) ләгәби илә мәһшур олан һәзрәти Әлијјән Нәгинин (әлејһи сәлам) Шәһадәтинин илдөнүмү ҝүнү Самирра шәһәри өлкәнин мүхтәлиф бөлҝәләриндән зијарәтә ҝәлмиш 1000,000-дан артыг зәввары гәбул едиб.
Ираглы рәсми, мәхсусән бу мәрасим үчүн нәзәрдә тутулмуш тәһлүкәсизлик мәсәләсинин мүвәффәгијјәтлә һәјата кечирә билдикләрини ачыглајараг дејиб: “Азғын тәкфирчиләрин 10 (Имам Әлијјән Нәги әлејһи сәлам) вә 11-ҹи (Имам Һәсән Әскәри әлејһи сәлам) Имамларын мәргәдләриндә террор актларыны төрәдә билмәмәләри үчүн, иҹтимаијјәтин мүхтәлиф тәбәгәләри Самирра шәһәринин Полис Бөлмәси вә Силаһлы Гүввәләри илә јахындан һәмкарлыг етмишләр.”
Ираглы рәсми даһа сонра зәвварларын тәлүкәсизлик мәсәләси үзәриндә даһа ҹидди олдугларыны вурғулајараг билдириб: “Бағдад вә Самирра шәһәри арасындакы маҝистирал јол боју мүхтәлиф истигамәтләрдә зәвварларын рифаһы үчүн истираһәт вә тибб мәркәзләри гәрар верилмишдир.”
Диҝәр тәрәфдән исә, јәһуди, хачпәрәст вә буддистләрин ганларыны дејил мәһз Мүсәлман ганынын ахыдылмасыны ваҹиб билән сәләфи –тәкфирчи үнсүрләр ајры ајрылыгда ирагын мүхтәлиф бөлҝәләриндә террор акты һәјата кечирәрәк 20 Мүсәлманы Шәһид етмиш даһа 58 нәфәри исә мүхтәлиф дәрәҹәли бәдән хәсарәтләри јетирмәклә јараламышлар.
АБНА- Хәбәр Аҝентлији
Диггәт: Хәбәрдән истифадә етдикдә мәнбәјә истинад лазымдыр
