Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Мүсәлманларын ганларынын ахыдылмасыны ваҹиб билән азғын “тәкфирчи” секта гондарма “Ираг вә Шам Ислам Дөвләти” (ИШИД) адлы террорчу груплашманын ганадынын Гәззә Золағында јаратдығыны елан едиб.
Фәләстин торпагларыны ишғал етмиш сионист исраил режими илә әмәкдашлыг едәрәк Суријада Мсәлманлара гаршы “ҹиһад” елан етмиш сәләфи-вәһһаби јараглылары Гәззәдә јениҹә јаратдыглары анти-Мүсәлман тәшкилат васитәси илә, Гәззә һөкүмәтиндән “Шәриәт” ганунларына ујғун шәкилдә идарә етмәклики тәләб едибләр.
Суријада Мүсәлманлары ганларына гәлтан едән гондарма “ИШИД” адлы јараглы үнсүрләр билдирибләр: “Биз, “Шејх Әбу Нур Мугәддәси Бригадасы”ны артыг јаратмышыг вә һазырда бригада үзүвләри тәлимләрә башлајыблар.”
Гејд едәк ки, Әбу Нур Мүгәддәси ләгәби илә мәшһур олан Әбдүл Ләтиф Муса “тәкфирчи” сектанын Гәззә Золағындакы актив тәблиғатчысы олмуш вә “Ҹунду Әнсаруллаһ” силаһлы груплашмасына командирлик едирмиш. 2009-ҹу илдә Һәмас тәшкилаты онун евини дағытмагла Әбдүл Ләтифи өлдүрмүшдүр.
Әбдүл Ләтиф 2009-ҹу илин август ајында Гәзәдә јерләшән Ибни Тејмијјә Мәсҹидиндә чыхыш едәрәк “Фәләстиндә Ислам Әмирлији” адлы гондарма дөвләт јаратдығыны елан етмиш вә Гәззә дөвләтиндән дә Ислам Шәриәтинә әмәл етмәклијини тәләб етмишдир.
АБНА- Хәбәр Аҝентлији
Диггәт: Хәбәрдән истифадә етдикдә мәнбәјә истинад лазымдыр
