Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Суријаја “никаһ ҹиһады” ады алтында јараглылар илә зина етмәкә ҝедән 15 јашлы Сәуди Әрәбистанлы “гыз” ушағы бәднам миссијаны һәјата кечиртдикдән сонра ҝеријә, өз өлкәсинә дөндүкдә мараглы ачыгламалар вериб.
Әрәб медиаларынын билдирдијинә ҝөрә, Аишә Бикри адлы азјашлы позғун, Сәуди Әрәбистан вәтәндашыдыр. О, “никаһ ҹиһады” ады алтында бир нечә ај Суријада зинакарлыгла мәшғул олдугдан сонра, Ријаз һава лиманына дөнмәк мәгсәди илә Бејрут һава лиманына ҝедиб вә орада журналистләрә мүсаһибә вериб.
Журналистләрә мүсаһибә верәркән о белә дејиб: “Мән вәһһаби мүфтиси Муһәммәд Урејфинин гадынларын Суријада “никаһ ҹиһады” илә мәшғул олмаларына даир вердији фәтвасындан сонра, Суријаја ҝетдим.”
О, даһа сонра чәкинмәдән дејиб: “Суријада галдығым мүддәт әрзиндә ајры ајрылыгда дүнјанын мүхтәлиф өлкәләриндән ҝәлмиш 1000 нәфәрдән чох силаһлы илә ҹинси әлагәдә олмушам. Онларын әксәријјәтини Әлҹәзајир, Пакистан, Сомали, Ираг вә Ефиопија вәтәндашлары тәшкил едирди.”
Аишә Бикри һазырда зинадан һамилә олдуғуну билдирәрәк, ушағын атасынын дәгиг ким олдуғуну билмәдијини дејиб: “Ҝүман едирәм ушаг “Нүсрә Ҹәбһәси”нин командиринин олсун. Чүнки о, исраилә сәфәр етдији заман мәни дә өзү илә апармышды вә биз исраилдә дәфәләрлә јахынлыг етдик... Сәфәр заманы о исраилли забитләрлә бир сыра ҝөрүшләр кечиртди вә исраиллиләрдән мүхтәлиф нөв силаһлар, дөјүш бөлҝәләриндә Сурија Милли Ордусуна аид әскәрләрин трансфертләринин космос васитәси илә чәкилмиш фотолары вә диҝәр мәлуматлары алды.”
Аишә, журналистләрин “Дөјүшчүләрин руһијјәсини неҹә һисс етдин?” суалына белә ҹаваб вериб: “Дүшүнүрәм ки, әл-Гаидә, әл-Нүсрә, исраил, Гәтәр вә саир авропа өлкәләри тәрәфиндән тәшкил олунан бу мүһарибә артыг Суријада мәғлубијјәтә уғрајыб. Чүн ки, “мүҹаһидләрин” әкәсријјәти Сурија Милли Ордусундан горхур вә онларын бир чохунун дөјүш заманы гачараг фәрар етдикләринин шаһиди олмушам.”
О, даһа сонра дејиб: “Мән дәфәләрлә “мүҹаһидләрә” аид күтләви ҹәназәләрин Суријанын мүхтәлиф бөлҝәләриндәки зибилханаларда атылдығыны мүшаһидә етмишәм.”
АБНА- Хәбәр Аҝентлији
Диггәт: Хәбәрдән истифадә етдикдә мәнбәјә истинад лазымдыр
