Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Масаллы раjонунун Һәсәнли кәнд сакини Гурбанәли Вәлишов Азәрбаjҹан мәтбуаты илә мүсаһибә верәркән азғын “вәһһаби” әгидәсинин Азәрбаjҹан Республикасында ҝенишләндиjиндән вә дөвләтин адиjатлы органлары тәрәфиндән бунун гаршысынын алынмамасындан ҝилеjләнәрәк өвладларынын да бу чиркли ҝирдаба дүшдүjүндән фәрjад едиб.
О, ики оғлан овлады Сеjмур вә Һәбиб һагда данышараг деjиб: “2012-ҹи илдә Бакыда “еуровисион” мусиги jарышмасы кечирилән әрәфәдә оғлум ҝедиб вәһһаби груплашмаларына гошулду. Евдә бизә гаршы чох агрессив олмушду.
Анасынын биширдиjи jемәкләри “мурдар” адландырыр, бизә “кафир” деjирди.
Сонра арашдырыб өjрәндим ки, Бакыда, Мүшфигабад гәсәбәсиндә вәһһабиләрин бир дини иҹмасына аjаг ачыб. Һәр дәфә евә ҝәләндә бизә “кафир” деjирди. Иш о jерә чатмышды ки, ата-бала тутушурдуг, аз гала бир-биримизи дөjүб өлдүрмәк һәддинә чатмышдыг. Ҝөрдүм вәзиjjәт беләдир, Дахили Ишләр назирлиjинин “102” хидмәтинә зәнҝ еләдим. Дедим ки, оғлум белә иш тутуб, белә оjунлардан чыхыр...”
Г.Вәлишов оғланларынын һәр икисинин вәһһаби груплашмаларына гошулараг Азәрбаjҹаны тәрк етдикләрини деjиб. Анҹаг һәлә өвладлары бу аддымы атмамышдан әввәл ата онларын гаршысыны алмаг үчүн әлиндән ҝәләни едибмиш: “Мән “102” хидмәтинә хәбәр верәндән сонра Масаллы Раjон Полис Шөбәсиндән ҝәлиб мәни ора дәвәт етдиләр. Ҝетдим, һәр шеjи әтрафлы jазыб гоjдум ки, чағырыб Сеjмуру диндирсинләр. Дедим, сабаһ өвладымын ады һансыса партлаjышда, ҹинаjәтдә һаллананда онсуз да мәни бир валидеjн кими ора-бура чәкәҹәксиниз. Мәнсә сизә бу башдан ҝәлиб аҝаһ едирәм ки, өвладымы дүз jола гаjтарын, әтрафындакылары арашдырын, ҝөрүн кимләрдир бунлар. Јерләрини дә дедим - Мүшфигабадда вәһһабиләрин топлашдыглары мәсҹид”.
Ата деjир шикаjәтиндән сонра ешидиб ки, Сеjмуру Бинәгәди Раjон Полис Идарәсинә чағырыблар, бир-ики саат диндириб бурахыблар. Бир мүддәт сонра ешидиб ки, Сеjмур Суриjададыр, орада мүхалифәтә гошулараг Бәшәр Әсәд гошунларына гаршы дөjүшүр.
“Өтән илин сентjабр аjында ҝетди. Һәмин о мәсҹиддән бир груп ҝетдиләр. Демәли, бунлары апарыб Ҝәнҹә аеропортундан Түркиjәjә jола салыблар. Түркиjәдән дә Суриjаjа кечибләр. Бәс полисин, МТН-ин бундан хәбәри jохдур? Бу боjда ишләр ҝедир, гаршылаjыб jола салырлар. Хүсуси хидмәт органлары буну ҝөрмүрмү?” - деjә Гурбанәли Вәлишов суал едир.
Онун сөзләринә ҝөрә, оғлу Сеjмур Суриjаjа ҝедәндә аиләсини дә jығыб өзү илә апарыб: “Ҝедәндән сонра интернетлә гаjынанасыҝиллә әлагә сахлаjыб. Гаjнанасыҝил биләндә ки Сеjмур Суриjада дөjүшүр, онунла әлагәни кәсибләр. Ән писи одур ки, Сеjмур арвадыны, үч ушағыны да өзү илә апарыб. Онун башына бир иш ҝәлсә, аиләси Суриjанын дүзүндә нә едәҹәк - буну билмирик”.
Сөһбәт заманы ону да өjрәнирик ки, Сеjмур Вәлишов Суриjаjа ҝедәндән сонра кичик гардашы Һәбиби дә өз далынҹа чәкиб апарыб. Ата бир дә ешидиб ки, Һәбиб Бакыда она алынмыш торпаг саһәсини вә пула ҝедән нәjи варса, һамысыны дәjәр-дәjмәзинә сатараг аиләсини дә ҝөтүрүб вә өлкәдән чыхыб.
“Гардашы Һәбиби дә jолдан чыхарды. Деди, көч ҝәл, гошул бизә, пул да вар, jашамаг имканы да. Һәбиб онун үчүн алдығым торпағы да сатыб ҝетди. Инди һәләлик Түркиjәдәдир. Һәбибин бир ушағы варды, бир-ики ҝүн габаг Түркиjәдә бир гызы олду. Јәгин ки, jахын вахтларда о да Суриjаjа кечәҹәк. Бәлкә дә артыг кечиб...” - деjә ики оғлу әлиндән чыхыб мәҹһуллуға гарышан начар ата билдирир.
Гурбанәли Вәлишов jерли һүгуг-мүһафизә органларыны өлкәдә jаjылан кабусун гаршысыны алмаға чағырыр: “Мәним кими jүзләрлә валидеjн полис шөбәләринә jахынлашыб мәлумат верирләр ки, ушағымыз бу ишлә мәшғулдур, амма гаршысыны алмырлар. Бу һөкумәт елә билир ки, бунлар ҝедиб Суриjада гырылаҹаглар, ҝери гаjытмаjаҹаглар, беләликлә дә өлкәдә вәһһаби проблеми һәллини тапаҹаг. Даһа дүшүнмүрләр ки, Суриjада мүхалифәтлә һөкумәт арасында данышыглар ҝедир. Разылыға ҝәлән ҝүнү мәним ушағымы да, о бириләрини дә Суриjадан чыхараҹаглар. Онлар да гаjыдыб орада кәсдикләри башдан бурда кәсмәjә башлаjаҹаглар. Мәним ушағ ағылда оланлар елә өз евләринин ичиндән башлаjаҹаглар. Бөjүк бир фаҹиә гаршысындаjыг. Белә адамлар онларын дүшүнҹәсини гәбул етмәjән бизләр үчүн бөjүк тәһкүләдир”.
Геjд едәк ки, Гурбанәли Вәлишовун өзү Гарабағ мүһарибәси иштиракчысы олуб. Өвладларына да пис бахмаjыб. Онларын раһат һәjаты үчүн әлиндән ҝәләни әсирҝәмәjиб.
Атанын өзүнү динләjәк: “Сеjмурун 36 jашы вар. Әлиндә jахшы иши варды. “Һалал немәт, мин бәрәкәт” фирмасында ишләjирди. Мағазалара мал паjлаjырды. 1200 манат аjлыг маашы иди. Онун үчүн Биләҹәридә бир ев-ешик тикмишдим ки, ҝәл ҝөрәсән... Ону да вәһһабиләрә пешкәш еләди. Инди вәһһабиләр ораны өзләри үчүн ҝөрүш jери едибләр. Һәбибин 26 jашы вар. Ев устасы иди. Рузиси дә пис деjилди. Бакыда торпаг алмышдым ки, онун үчүн дә ев тиким. О торпаг да беләҹә әлдән ҝетди”.
Атанын сон сөзү jенә һүгуг-мүһафизә органларынадыр: “Онлар ҹавандыр, нә еләдикләрини, һансы аддымлар атдыгларыны анламырлар. Онлара вәд олунмуш пуллара алдадырлар, өзләрини ҝүлләнин габағына верирләр, ҝәнҹ һәjатларына гыjырлар. Онлара чатасы пулларла исә кимләрсә варланыр. Мәним балаларым кими ағылсызларын һесабына...”
...Ата сөзүнү бурада да битир. Даһа деjәҹәjи һеч нә галмаjыб. Әлиндән jалныз оғул jолу ҝөзләмәк ҝәлир. Сеjмурла Һәбиби исә Масаллынын Һәсәнли кәндиндә валидеjнләри ҝөзләjир - Гурбанәли даjы илә Зәнурә хала...
Диггәт: Хәбәрдән истифадә етдикдә мәнбәjә истинад лазымдыр
