Әһли Беjт (әлеjһимус сәлам) -АБНА- Хәбәр Аҝентлиjи- Мадди бахымдан имкансыз вәтәндашларымыз мүаjинә вә мүалиҹә үчүн өлкәдән кәнара чыха билмир. Елә тәбәгә вар ки, һәтта jерли өзәл хәстәханаларда да мүаjинәjә мадди дурумлары имкан вермир. Бу сәбәбдән jалныз дөвләт хәстәханаларына үз тутурлар. Амма дөвләт хәстәханаларында да мүхтәлиф тибби апаратлардан, мүаjинәләрдән кечмәjин ады пулсуз олса да, һеч кимә өдәнишсиз хидмәт ҝөстәрилмир.
Бирбаша гәбз шәклиндә олмаса да, вәтәндашлардан истәр ултрасәс мүаjинә, истәр лабораториjа вә с. хидмәтләрә ҝөрә ачыг-ашкар пул тәләб олунур. Һәтта мәбләғ дә ачыг шәкилдә деjилир. Белә олан һалда, ортаjа суал чыхыр: дөвләт хәстәханаларындакы техники аваданлыглар дөвләт вәсаити һесабына алынырса, ишчиләр дөвләт бүдҹәсиндән мааш алырса, бәс о заман ниjә вәтәндашлара пуллу хидмәт ҝөстәрилир? Јахуд, аваданлыглардан истифадәjә ҝөрә вәтәндашлардан алынан пуллар кимләрин ҹибинә ҝедир?
Сәһиjjә Назирлиjи мәтбуат хидмәтинин рәһбәри Анар Гәдирли деjир ки, назирлиjин табелиjиндә олан вә дөвләт бүдҹәсиндән малиjjәләшән тибб мүәссисәләриндә мүаjинә вә мүалиҹә пулсуздур. Анар Гәдирлинин сөзләринә ҝөрә, амма назирлиjин тәркибиндә олан бәзи дөвләт хәстәханаларда пуллу хидмәтләр дә вар: “Мәсәлән, Нефтчиләр хәстәханасы вә диҝәрләриндә белә бир проседур вар. Амма онлар дөвләт бүдҹәсиндән малиjjәләшмир. Сәһиjjә Назирлиjинин табелиjиндә олан вә дөвләт бүдҹәсиндән малиjjәләшән хәстәханаларда мүаjинә вә мүалиҹәләр пулсуздур. Амма назирлиjин тәркибиндә елә хәстәханалар вар ки, дөвләт тәрәфиндән малиjjәләшмир вә орада пуллу хидмәтләрдир”.
Диггәт: Хәбәрдән истифадә етдикдә мәнбәjә истинад лазымдыр
