Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Иран Ислам Республикасы Силаһлы Гүввәләринин Баш Гәрарҝаһ рәисинин мүавини, ҝенерал Мәсуд Ҹәзаjири билдириб: “Һазырда АБШ вә сионист исраил режимин бөлҝәдә һәр бир аддымы Иран Ислам Республикасынын нәзарәти алтындадыр вә тамамилә бамбашга бир вәзиjjәт һакимдир”.
Ҝенерал Мәсуд Ҹәзаjири, АБШ-ын Иран Ислам Республикасында вә бөлҝәдә баш верән просесләри дүзҝүн шәкилдә гиjмәтләндирмәjә гадир олмадығына ишарә едәрәк билдириб: “Нә нүвә мүзакирәләри, нә дә башга бир бәһанә ИИР-ын үмуми сиjасәтинә тәсир ҝөстәрмәjәҹәк. Бәзи америкалы сиjасәтчиләр һәлә дә Иран Ислам Республикасына һәрби тәзjигдән данышыр вә бунун тәсирли ола биләҹәjини зәнн едирләр. Америкалыларын стратежи сәһви “көк чубуг” сиjасәтини доғру гәбул етмәмәләридир. Анҹаг бу ҹүр тәһдидләр иранлы сиjасәтчиләрә тәсир ҝөстәрә билмәз”.
О, даһа сонра, АБШ рәсмиләринин Иран Ислам Республикасы илә бирбаша мүзакирә апармаг вә әлагә гурмаг мәсәләсини ҝүндәмә ҝәтирмәклә икиүзлү давранышларына ишарә едәрәк деjиб: “АБШ бу ҹүр комик сиjаси, игтисади оjунлар вә jа һәрби анимасиjа ссенариләри илә деjил, Иран халгындан үзр истәjәрәк вә дүшмәнчиликләрини бир кәнара гоjараг бизә jахынлаша биләрләр”.
Диггәт: Хәбәрдән истифадә етдикдә мәнбәjә истинад лазымдыр
