Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән бу ҝүн Азадхебер.нет сајтынын баш редактору, виҹдан мәһбусу, Исламчы журналист Ниҹат Әлијевин вә онунла бирликдә тәгсирләндирилән Нәсиров Елвин, Сәфәрли Ҹејһун, Ҹамалов Горхмаз, Һүсејнов Елимхан, Һүсејнов Самир, Тофигли Емин, Мәммәдов Сәфәр, Әлијев Әлинин нөвбәти мәһкәмә иҹласы кечирилиб.
Мәһкәмә иҹласы 10:30-а тәјин едилсә дә адәти үзрә ҝеҹ башлајыб.
Белә ки, мәһкәмә иҹласы һаким Зејнал Ағајевин сәдрлији илә саат 11:40-да башлајыб.
Мәһкәмә иҹласында 4 нәфәр шаһид диндирилиб. Онлар Әкбәров Рөвшән,Ҹәбрајылов Мүшфиг, Ҹаванширов Елчин вәӘлијев Рамин олуб.
Полис ишчиси шаһид Әкбәров Рөвшән мәһкәмә истинтагына вердији ифадә заманы билдириб ки, тәгсирләндирилән шәхсләрдән Нәсриов Елвини вә Сәфәрли Ҹејһун таныјыр. О, һәр ики тәгсирләндирилән шәхси әмәлијјат кечирилән заман ҝөрдүјүнү дејиб.
Әкбәров Рөвшән ифадәсиндә гејд едиб ки, “Мән һәр ики шәхси евләринин гаршысында ҝөрмүшәм вә орадада тутмушам. Мән онлары тутан заман јанымда полис ишчиси Тағыјев Магсуд олуб. Һәр ики шәхсә јахынлашараг өзүмүзү тәгдим етдик. Онлары сахладыгдан сонра полис бөлмәсинә апардыг. Онлар бизә мүгавимәт ҝөстәрмәдиләр. Онларын үзәриндә бахыш полис бөлмәсиндә апарылды. Биз онлары тутан заман әлләриндә диск вә кағызлар вар иди. Елвин о дискләри Горхмаз адлы шәхсдән алдығыны вә ҹамаат ичиндә пајлајаҹағыны билдирди. Һал шаһидләри сонрадан протоколу имзаламаг үчүн ҝәлдиләр. Биз бөлмәдә онларын үзәрини ахтаран заман шүбһәли маддә ашкар етдик. Һал шаһидләриндән бирини мән чағырдым ки, хаиш едирәм ҝәл һал шаһиди кими иштирак ет бу ишдә. Дискләрә бахдым, орада һөкумәт әлејһинә чағырышлар вар иди.
Ифадәсини битирдикдән сонра вәкилләр шаһид Әкбәров Рөвшәнә суаллар вериб.
Вәкил: Дискләрдә һөкумәт әлејһинә канкрет олараг нә вар иди?
Шаһид Әкбәров Рөвшән: Һөкумәт әлејһинә чағырышлар вар иди. Орада нүмајишләр ҝөстәрилирди. Ачығы десәм дәгиг јадымда дејил.
В: Конкрет чағырыш нә иди?
Шаһид Әкбәров Рөвшән: Јадымда дејил.
В: Сиз онларын јашадыглары мәнзилә бахыш кечирән заман нечә китаб вар иди орада?
Шаһид Әкбәров Рөвшән : Аз иди.
В: Әмәлијјат үчүн әһәмијјәтли олан нәсә ҝөтүрдүнүз мәнзилдән?
Шаһид Әкбәров Рөвшән: Дини китаблары ҝөтүрдүк, диҝәрләри јадымда дејил.
Даһа сонра тәгсирләндирилән шәхсләр Нәсиров Елвин вә Сәфәрли Ҹејһун вәкилләрин суалларын ҹавабландырыблар.
Вәкил: Елвин, бу шәхс сәни һарада тутуб?
Елвин Нәсиров: Мәни бу адам тутмајыб. Мән бу адамы бөлмәдә ҝөрмүшәм.
В: Ҹејһун, шаһидин вердији ифадәләр доғрудур?
Сәфәрли Ҹејһун: Хејр. Мән буну бөлмәдә ҝөрмүшәм. Јалан данышыр бу инсан.
Нәсиров Елвин: Рамазан ајыдыр, јалан данышмаг ҝүнаһдыр. Амма бу ајда данмаг ҝүнаһын дәрәҹәсин даһа да артырыр. Она ҝөрә дә јалан даныша билмәрәм. Бу шәхс мәни вурмајыб. Бу инсан мән вурулан заман орада олмајыб.
В: Сахланылан шәхсләр дөјүлән заман орада олмусунузму, онлары дөјмүсүнүзмү?
Шаһид Әкбәров Рөвшән: Бунлар икиси дә сәмими ушаглары мән бунлары неҹә дөјә биләрәм?
Шаһид Әкбәров Рөвшән ифадәсини битирдикдән сонра мәһкәмә залыны тәрк етмәк истәсә дә вәкилләр залда галмасыны һакимдән тәкид етдиләр. Һаким шаһидин залда галмасына илк өнҹә гәрар версә дә сонрадан залдан чыхмаларына иҹазә верди.
Беләликлә һакимин бу гәрары вәкилләрин залда иштирак едән шәхсләрин етиразына сәбәб олду.
Даһа сонра шаһид гисминдә Ҹәбрајыов Мүшфиг мәһкәмә истинтагына ифадә вериб. О ифадәсиндә дејиб ки, “Мән онлар тутулдугдан сонра бахыш кечирмәк үчүн ҝеҹә саат 3-үн јарысы ораја ҝетмишәм. Әмлака бахыш кечирдик вә протокола әлавә етдик.”
В: Сиз онларын әмлакына бахыш кечирән заман онларын һүгугларыны баша салдынызмы?
Шаһид Ҹәбрајыов Мүшфиг: Шифаһи баша салдыг. Бу барәдә пратоколда хүсуси гејдә еһтијаҹ јохдур.
Нәсиров Елвин: Ҹәнаб һаким мән бу шәхси илк дәфәдир ки бурада ҝөрүрәм.
Даһа сонра һал шаһиди Ҹаванширов Елчин мәһкәмә истинтагына ифадә вериб. О ифадәсиндә гејд едиб ки, “Мән бу шәхсләри илк дәфә бөлмәдә ҝөрмүшәм. Кечән ил мај ајы иди сәһв етмирәмсә. Ҝеҹә саат 12-дән сонра иди. Онларын үзәринә бахыш кечирилди вә сигарәт габларында олан кағыза бүкүлү гара маддә чыхды үзәрләриндән.”
Сәфәрли Ҹејһун: Бизим үзәримиздән чыхан шејләр барәдә чәкилиш апарылдымы?
Шаһид: Хејр апарылмады.
Сәфәрли Ҹејһун: Јалан данышыр ҹәнаб һаким чәкилиш апарылырды.
Ҹаванширов Елчин мәһкәмә залыны тәрк етдикдән сонра 4-ҹү шаһид Әлијев Рамин һал шаһиди гисминдә мәһкәмә истинтагына ифадә вериб.
О, ифадәсиндә гејд едиб ки, “Мән һадисә олан әразидә такси сүрүҹүсү кими фәалијјәт ҝөстәрирдим. 2 нәфәр полис ишчиси мүлки формада мәнә јахынлашды. Вәсигәләрин тәгдим етдиләр, һал шаһиди кими иштирак етмәјими хаиш етдиләр. Илк өнҹә гәбул етмәдим. Даһа сонра разылашдым. Ора ҝедәндә орада Нәсиров Елвин вә досту Сәфәрли Ҹејһун илә бирликдә тутулмушдулар. Онларын үзәринә бахыш кечирилди. Гәзетә бүкүлмүш гара маддә тапдылар.”
Нәсиров Елвин: Ҹәнаб һаким јалан данышыр, мән илк дәфәдир бурда ҝөрүрәм бу шәхси.
Даһа сонра шаһид вәкилләрин суалларын ҹавабландырыб. Онун суаллара агресив ҹаваб вермәси вәкилләрин вә тәгсирләндирилән шәхсләрин етиразына сәбәб олуб.
Бундан сонра исә һаким нөвбәти мәһкәмә иҹласынын баша чатдығыны билдирди вә нөвбәти мәһкәмәни августун 1-и саат 10:30-а тәјин едиб.
Һаким билдириб ки, експерт рәјләринә ҝәлән мәһкәмә иҹласында бахылаҹаг.
Диггәт: Хәбәрдән истифадә етдикдә мәнбәјә истинад лазымдыр
