Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Пакистанда Шиә сојгырымы давам едир. Белә ки, 30 ијун 2013 тарихдә Пакистан Кувејтә әјаләтинин Бәлхи Чук мәнтәгәсиндә, сионист гүввәләрин муздлу әлалтылары олан вәһаби-сәләфи јараглылары нөвбәти террор һадисәсин төрәтмәклә јени ҹинајәтә әл атыблар. АБШ вә сионист исраил режимләринин сајәси алтында инкишаф едән Аллаһсыз сәләфи јараглылары, Әли ин Әбу Талиб (әлејһис сәлам) адына Мәсҹиди дағытмаг мәгсәди илә, ардыҹыл ики камиказе әмәлијјаты һәјата кечирәрәк 100-ә јахын ҝүнаһсыз Шиәнин мадди хәсарәтләр алмасына сәбәб олублар.
Шам вә Хофтән намазларындан сонра баш верән террор һадисәси заманы 3-чү азјашлы ушаг, 10-ну гадын вә 15-ши киши олмагла 28 мүлки вәтәндаш Шәһид олмуш вә 70-дән чох инсан мүхтәлиф дәрәҹәли бәдән хәсарәтләри алараг јараланмышдыр. Бу арада Бәлхи Чук мәнтәгәсиндә фәалијјәт ҝөстәрән дөвләт хәстәханасы террор һадисәси гурбанларыны хәстәханаја гәбул етмәкдән бојун гачырараг јаралылара тибби јардым ҝөстәрмәјиб. Мәһз хәстәхананын бу дәһшәтли анти-бәшәр рәфтарындан сонра һәлак оланларын сајы сүрәтлә артыб...
Билдирмәк лазымдыр ки, баш верән террор һадисәси, вәһаби јөнлү “Ләшкәри Ҹәнҝуј” террор груплашмасынын ики јарамаз камиказе үнсүрү тәрәфиндән һәјата кечирилиб. Икинҹи террор һадисәсиндә инсан тәләфаты биринҹисинә нисбәтдә даһа чох олуб.
Гејд едәк ки, азғын јараглыларын әсас һәдәфләри Шиә сојгырымын төрәтмәклә јанашы Әли ибн Әбу Талиб (әлејһис сәлам) адына Мәсҹиди виран етмәк имиш. Лакин хошбәхтчиликдән Мәсҹидә ҹидди зәрәр дәјмәјиб.
Диггәт: Хәбәрдән истифадә етдикдә мәнбәјә истинад лазымдыр
