Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Русија Хариҹи Ишләр Назирлијинин (ХИН) мәлуматында дејилир: “исраилин ишғал олунмуш торпагларда мәскунлашма фәаллығы Фәләстин-исраил сүлһ просесинин тәнзимләнмәсинә зәрәр верәҹәк.”
Хариҹи сијасәт идарәсиндән билдирилиб ки, ијунун 26-да Гүдс бәләдијјәси шәһәрин шәргиндәки Ҹабал Әбу-Гунејм гәсәбәсиндә 69 бинанын тикинтиси илә бағлы планы тәсдигләјиб: “Бу гәрар рәсми Москванын дәрин нараһатлығына сәбәб олуб. Ишғал олунмуш торпагларда тикинти ишләринин апарылмасы бејнәлхалг һүгуг нормаларына зиддир вә бунун гаршысы алынмалыдыр. Бу ҹүр биртәрәфли аддымлар сәмәрәсиздир вә сијаси просесин јумшалдылмасы үчүн мүнасиб дејил. Фикримизҹә, ҝәләҹәк Гүдс вә мәскунлашма мөвзусу да дахил олмагла, Фәләстин әразиләринин һәлледиҹи статусу илә бағлы бүтүн мәсәләләр Фәләстин-исраил данышыгларынын ҝедишиндә һәлл олунмалыдыр.”
Русија ХИН белә һесаб едир ки, јашајыш биналарынын тикилмәси илә бағлы план тәкҹә Фәләстин-исраил мүнасибәтләринә хәләл ҝәтирмәклә галмыр, ејни заманда сүлһ просесинин бејнәлхалг һүгуг әсасында бәрпа олунмасы илә бағлы бејнәлхалг иҹтимаијјәт, о ҹүмләдән Русија тәрәфиндән едилән ҹәһдләрә һәддиндән артыг пис тәсир ҝөстәрир.
Диггәт: Хәбәрдән истифадә етдикдә мәнбәјә истинад лазымдыр
