Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән бејнәлхалг медиада бу дәфә диктатура режимләри, о ҹүмләдән Азәрбајҹан һакимијјәтилә әмәкдашлыг едән мемарлар тәнгид атәшинә тутулуб. Белә бир мәгалә Инҝилтәрәнин “The Independent” гәзетиндә јајымланыб. Мәгалә мүәллифи јазыны һазырлајаркән дүнјанын апарыҹы архитекторларындан олан Даниел Либескиндин “Арҹһитеҹтс” журналына мүсаһибәсиндә сәсләндирдији фикирләри јада салыр.
Мәшһур мемар мүсаһибәсиндә билдириб ки, һәм бир архитектор ҝөрдүјү ишә ҝөрә мәсулијјәт дашыјыр. Вә бу мәсулијјәт тәкҹә архитектура принсипләрилә мәһдудлашмыр. Онун сөзләринә ҝөрә, мәсәләнин мәнәви тәрәфи һеч дә аз әһәмијјәт кәсб етмир.
Даниел Либескинд бәзи һәмкарларыны мәһз елә мәнәви принсипләри позмагда ҝүнаһландырыб: “Мән һесаб едирәм ки, биз деспотларын сифаришләрини јеринә јетирмәмәлијик. Тәәссүф ки, бәзиләри бөјүк пуллар наминә диктатура режимләрилә әмәкдашлыг етмәкдән чәкинмирләр”.
“The Independent” гејд едир ки, диктатура режимләри бөјүк пуллар мүгабилиндә Авропа вә Америкада фәалијјәт ҝөстәрән мемарлыг ширкәтләри, танынмыш мемарларла иш бирлији гурараг, дәбдәбәли биналар тикдирирләр. Инҝилтәрә гәзети бир нечә танынмыш мемарын адыны чәкәрәк онлары репрессив режимләрлә әмәкдашлыгда иттиһам едир. Мисал кими, Азәрбајҹанын ады чәкилир. Гејд олунур ки, Британија вә Американын бәзи мемарлары дүнјада инсанларын һүгуг вә азадлыгларынын ән чох позулдуғу өлкәләрдән бири олан Азәрбајҹанда лајиһәләр һәјата кечирирләр. “Тһе Индепендент” хатырладыр ки, Мәтбуат Азадлығы Индексиндә Азәрбајҹан 179 өлкә арасында 162-ҹи јери тутур.
“Лондонда фәалијјәт ҝөстәрән Заһа Һәдид Һејдәр Әлијев Мәркәзинин мемарыдыр. ”Human Righs Watch" бејнәлхалг һүгуг-мүдафиә тәшкилатынын Азәрбајҹан һакимијјәтини инсан һүгуг вә азадлыгларынын кәскин шәкилдә позмаға ҝөрә тәнгид едән һесабатлары да ону Азәрбајҹан һакимијјәтилә әмәкдашлыгдан чәкиндирмәјиб", - дејә Британија гәзети вурғулајыр.
Диггәт: Хәбәрдән истифадә етдикдә мәнбәјә истинад лазымдыр
