Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Франса хәбәр аҝентлијинин Кабулдан вердији мәлуматда дејилир ки, Әфганыстан рәсмиләри Барак Обаманын АБШ-ын 66 минлик гошунун јарысын, ҝәлән ил әрзиндә, Әфганыстандан чыхарылмасы илә бағлы вердији сәранҹамы бәјәниб.
Обама дүнән иллик чыхышы заманы елан едәрәк билдириб: “Америка Бирләшмиш Штатлары, 34 миндән ибарәт олан, илк һәрби гошунларыны бу ил әрзиндә Әфганыстандан чыхртмаг әзминдәдир. Галан һиссәнин исә там чыхарылмасыны, 2014-ҹү илдә нәзәрдә тутмушуг.”
Әфганыыстанын Мүдафиә Назири Муһәммәд Заһир Әзими дә, Франса аҝентлијинә мүсаһибә верәрәк билдириб: “Әфганыстанын тәһлүкәсизлик гүввәләри, 2013-ҹү илдә өлкәнин тәһлүкәсизлијини тәмин етмәк мәгсәди илә, Әфганыстандан чыхарылан АБШ һәрби гүввәләринин бошлугларыны долдурмаға вә ағыр мәсулијјәтләри гәбул етмәјә там һазырдыр.”
Хатырладаг ки, Әфганыстан президенти Һамид Кәрзәј даим чыхышларында, хариҹи һәрби гүввәләрин өлкәдән чыхарылмасы мәсәләсинин тезләшмәсини тәләб едиб.
Диггәт: Хәбәрдән истифадә етдикдә мәнбәјә истинад лазымдыр
