Әһли Бејт -АБНА- хәбәр аҝентлијинин вердији хәбәрә әсасән Доктор Мәнсур Һәгигәтпур јанварын 10-да Азәрбајҹан Милли Мәҹлисинин депутатларына, хүсусилә дә Сијавуш Новрузова хитаб олараг јаздығы "Ҝүлүстан вә Түркмәнчаја бир даһа Араз ҝүзҝүсүндә бахаг-Гарабағ тәкҹә Азәрбајҹан халгынын дәрди дејил" үчүнҹү мәктубунда азәрбајҹанлы һәмкарларына даһа дәрин мөвзулар тәклиф етмиш вә онлардан ҹаваб истәмишди. Бу мәктубун азәри медиасында әск-сәда доғурмасына бахмајараг Сијавуш Новрозовдан вә ја диҝәр депутатлардан һеч бир ҹаваб ҝәлмәди. Бу сәбәбдән Ислам Шура Мәҹлисинин Милли Тәһлүкәсизлик вә Хариҹи Сијасәт Комиссијасынын витсе-президенти бир даһа мәктуб јазараг јени мөвзулар тәклиф етмәклә јанашы Азәрбајҹан Парламентинин депутатларыны сәмими мүзакирәјә дәвәт етмишдир.
Доктор Һәгигәтпурун јени мәктубунун там мәтни ашағыдакы кимидир:
Аллаһын ады илә
Теһран Парламентиндән Бакы Парламентинә
Салам Новрузхан!
Сизә јаздығым ахрынҹы мәктубун үстүндән бир аја јахын өтүр. Лакин ҹәнабалинизин габагкы мәктубларында мүзакирәјә һазыр олмағынызы билдирмәнизин әксинә олараг, һәлә дә ајдын вә мүәјјән бир ҹаваб вермәмисиниз. Она ҝөрә дә бу мәктубу јазмагла сизи јенидән Иран вә Азәрбајҹанда сәмими вә гаршылыглы мүзакирәјә дәвәт етмәји лазым билдим ки, һәр ики өлкәнин елм адамларынын вә медиасынын иштиракы илә нечә вахтлардыр тәһрифләр алтында ҝизләнмиш һәгигәтләр барәдә мүзакирәләр апараг.
Новрузхан! Бир нечә ҝүн өнҹә Пејғәмбәри-әкрәмин (с) мөвлуду иди. Билирәм ки, һәмин ҝүн сиздә рәсми тәтил дејил. Доғрусу, бир мүсәлман кими бу ҝүнүн Азәрбајҹанда һөрмәтлә гаршыланмасы үчүн нә етмисиниз? Пејғәмбәри (с) нә гәдәр таныјырсыз? Билирсинизми, о һәзрәт инсан кәрамәтинә һансы һәддә диггәт едирди? Билирсинизми, гадынларын һиҹабына нә гәдәр әһәмијјәт верирди? О һиҹаб ки, инди нечә илләрдир орта мәктәбләрдә рәсми вә бүтүн Азәрбајҹанда гејри-рәсми гадаған етмисиниз. Әлбәттә, билирәм ки, сиз парламентдә бу барәдә бир ганун гәбул етмәмисинз. Амма сиз өлкәнизин тәһсил назиринин бу анти-ислам ҝөстәришинә мүнасибәт билдирә вә ону ләғв едә билмирсиниз? Ислами ҝејимлә шәхсијјәт вәсигәсинин верилмәсиндәки гадағаны ләғв едә билмирсиниз? Вә...?!
Доғрусу, Ҹәнаб Новрузхан, сизин һәрәтәкләриндән бири өлкәниздә һомосексуаллығын гадағасыны ләғв едән бир парламентин депутаты кими һансы һиссиниз вардыр? Билирсинизми, Исламын ајдын вә зәрури ганунларыны ајаг алтда гојмаг баһасына Авропа Бирлијиндә вә ја һәр һансы бејнәлхалг тәшкилатда үзв олмағын дүнја вә ахирәтдә һансы агибәтләри вардыр?
Ҹәнаб депутат! Гарабағдан нә хәбәр вар? Ҝөзәл Гарабағ торпаглары, онун дағлары, чајлары, булаглары үчүн үрәјиниз дарыхмырмы? Онун азад олмасы үчүн нијә бир һәрәкәт етмирсиниз? Сизин бу рәфтарыныз мәнә Фәтәли шаһ Гаҹары хатырладыр ки, өз дөврүндә Гафгазы Ирандан ајырды. О, әлдән чыхмыш әразиләрини ҝери гајтармаг үчүн чохлу гијмәтли һәдијјәләрлә јүкләнмиш ики зәнҹирли фили рус чарлығына һәдијјә етди, лакин рус чарлығы буна етина етмәди. Сиз вә дөвләт рәсмиләриниз дә нечә илләрдир ки, ермәни ишғалчылары илә мүзакирә мизи архасында отурурмусунуз ки, бәлкә Гарабағы ҝери ала биләсиниз. Амма ишғалчыларын бу мүзакирәләрлә бир әразини өз һәгиги саһибләринә гајтармалары мүмкүн дејил.
Ҹәнаб Сијавуш Новрузов! Гарабағ гачгынларындан нә хәбәр вар? Онларын вәзијјәти илә марагланырсынызмы? Онларын сајсыз-һесабсыз дәрдләринә јетиширсинизми? Билирәм, Гарабағын азадлығы барәдә бир тәдбир ҝөрмәјинҹә, һәр нә етсәниз онларын әлләриндән чыхмыш гүрурларыны ҝери гајтара билмәјәҹәксиз. Мән габагкы мәктубумда билдирдијим кими инди дә елан едирәм ки, Һејдәр Әлијевин дөврүндә Азәрбајҹанын шәрәфли халгына көмәк етдијим кими инди дә бу мөвзуда Иранда конфранслар кечирмәјә вә сизинлә бирҝә Гарабағын азад олмасы һаггында чарә јолу дүшүнмәјә, фикир мүбадиләси апармаға һазырам. Әлбәттә, Иран халгы вә дөвләти һамылыгла Гарабағын азад олунмасыны истәјирләр. Амма тәәссүфләр олсун ки, өлкәнизин мәсуллары бу мөвзуда елә дә ҹидди сәј ҝөстәрмирләр.
Ҹәнаб Новрузхан! Новрузун әввәлиндә Аразын һәр ики саһилиндә символик ҝөрүшүмүз олмалы иди. Бундан ниҝәранам ки, милли вә ислами тәгвим әвәзинә сизә тәгдим едилмш милади тәгвими илә Новрузун илк ҝүнүнү тәјин едә билмәјәсиз. Сиз вә сизин парламентдәки јолдашларыныз һеч дүшүнмүсүнүз ки, нә үчүн руслар сиздән ислами тәгвими вә Гуран әлифбасыны алыб вә онун әвәзиндә милади тәгвимини вә кирил әлифбасыны верибләр? Бу мөвзуну мүзакирә етмәк үчүн өлкәниздә вә Парлементиниздә елә бир азадлыг вармы? Ислами тәгвими вә Гуран әлифбасыны әлиниздән алмагла сизин тарих вә мәдәнијјәтинизә неҹә зүлм олундуғуну билирсинизми? Өз милли вә ислами тәгвиминиз-һиҹри шәмсини ҝери гајтармаг үчүн һәрәкәт етмәк истәмирсиниз? Әҝәр Бакы Парламентиндә тәкҹә бу иши едә билсәниз, Азәрбајҹанын мүсәлман халгына бөјүк хидмәт етмиш оларсыныз. Чүнки онлар бунунла өз милли вә ислами мүнасибәтләринә даһа раһат һөрмәт ҝөстәрә биләрләр.
Ҹәнаб Сијавуш Новрузов! Сизин ҹавабынызы ҝөзләјирәм. Үмидварам, мәктубда гејд олунанлар барәдә дүшүнәҹәксиз. Ислам мәдәнијјәтиндә дүшүнмәјин јүксәк дәјәри вардыр.
Мәнсур Һәгигәтпур, Әрдәбил, Нир, Сәрејн әһалисинин Ислам Шура Мәҹлисиндә нүмајәндәси
Диггәт: Хәбәрдән истифадә етдикдә мәнбәјә истинад лазымдыр
