Әһли Бејт -АБНА- хәбәр аҝентлијинин вердији хәбәрә әсасән Азәрбајҹан Ислам Партијасынын (АИП) һәбсдә олан сәдри Мөвсүм Сәмәдов Пенитенсиар Хидмәтин һәбсханалар үзрә мәркәзләшдирилмиш хәстәханасына көчүрүләҹәк. Бу барәдә АИП лидеринин һәјат јолдашы Меһпарә Сәмәдова мәлумат вериб.
Онун сөзләринә ҝөрә, сәһәр саатларында үрәјиндә ағрыларын јаранмасы Сәмәдәовун һәбсханадан хәстәханаја јерләшдирилмәсини лабүд едиб: “Бу ҝүн Һаҹыны ҝөрмәк үчүн сахландығы һәбсханаја ҝедәҹәкдим. Лакин сонра өзү мәнә орадан зәнҝ вурараг ҝәлмәмәјими сөјләди. Сәбәбини сорушдугда, сәһһәтиндә проблемләр јарандығыны вә бу сәбәбдән хәстәханаја јерләшдириләҹәјини деди.”
Гејд едәк ки, Меһпарә Сәмәдова бизә ачыгламасында һәмчинин сөјләди ки, сон бир ајда Мөвсүм Сәмәдовун үрәјинин арха дамарларында ган чатышмазлығы јараныб. Бу сәбәбдән онун вахтында дәрманлары гәбул етмәси вә һәким нәзарәтиндә олмасы ҝәрәкдир.
Диггәт: Хәбәрдән истифадә етдикдә мәнбәјә истинад лазымдыр
