Әһли Бејт -АБНА- хәбәр аҝентлијинин вердији хәбәрә әсасән декабрын 5-дә Ләнкәранын Кичик Базар “Һүсејнијјә” мәсҹидиндә баш вермиш инсидентә ҝөрә рајон полис шөбәсиндә ҹинајәт иши галдырылыб, диндар Илкин Әсәдов барәсиндә 2 ајлыг һәбс гәтимкан тәдбири сечилиб.
Дахили Ишләр Назирлији мәтбуат хидмәтинин шөбә рәиси Орхан Мансурзадә “Медиафорум” сајтына вердији ачыгламасында факты тәсдиг едиб. Онун сөзләринә ҝөрә, иш Ҹинајәт Мәҹәлләсинин 221.2.1-ҹи маддәси илә (бир груп шәхс тәрәфиндән хулиганлыг) галдырылыб: “Шикајәтчи Ләнкәран шәһәр сакини Һәмдулла Әлијевдир. О, шикајәтдә ҝөстәрир ки, Илкин Әсәдов, Ибраһим Азадов вә диҝәрләри ону дөјәрәк хәсарәт јетирибләр. Һәр ики шәхс вә гејриләри иҹтимаи гајданы кобуд сурәтдә позублар”.
Орхан Мансурзадә Ләнкәран шәһәр сакини Илкин Әсәдов барәсиндә мәһкәмә гәрары илә һәбс гәтимкан тәдбиринин сечилдијини, Ибраһим Азадовун исә полис нәзарәтинә ҝөтүрүлдүјүнү дејиб: “Истинтагын ҝедишаты заманы диҝәр тәфәррүатлар мәлум олаҹаг. Кимин нә гәдәр мәсулијјәт дашыдығыны истинтагын ҝедишаты ҝөстәрәҹәк”.
Лакин гејд етмәлијик ки, һәм диндарлар вә һәм дә Һәмдулла Әлијев тәрәфиндән salamnews.org сајтына верилән ачыгламада баш вермиш һадисә тамами илә башга ҹүр тәриф едилиб. Белә ки, “Ләнкәран мәсҹидиндә диндарлар арасында инсидент јашаныб” башлыглы хәбәрдә дејилир:
Salamnews -ун бөлҝә мүхбиринин вердији хәбәрә ҝөрә, һадисә шәһәрин “Кичик Базар” мәсҹиди кими танынан “Һүсејнијјә” мәсҹидиндә бир нечә ҝүн әввәл гејдә алыныб. Белә ки, бурада кимин мәсҹидин имам олмасы барәсиндә ики груп арасында мүбаһисә јараныб. Нәтиҹәдә мүбаһисә дава-далаша чеврилиб. Бу заман диндар Ибраһим Азадова бычаг зәрбәси ендирилиб. Јаралы дәрһал Ләнкәран Диагностик Мәркәзинә јерләшдирилиб, онун үзәриндә ҹәрраһи әмәлијјаты апарылыб.
Һадисәнин тәфәррүаты барәдә зәрәрчәкән шәхс билдириб ки, мәсҹидә шам намазы гылмаға дахил оланда һај-күјүн олдуғуну ҝөрүб: “Мәсҹидин иҹма сәдри Һәмдулла јенә дә мәсҹиддә намаз гыланлары сөјүрдү. Мәсҹидә дахил оланда, орда нә баш вердијини билмирдик. Елә билдик ки, ади ҝүнләрдәки сөз - сөһбәтләрдир. Бу, бизә ади ҝәлирди. Мөһүрү ҝөтүрүб, чәкилдим бир кәнара, отурдум ҝөзләдим ки, Һәмдулла сакитләшсин, мән намаза башлајым. Сонра Һәмдулла сөјүш сөјә-сөјә мәним үстүмә ҝәлди. Мәнә аз галмыш дајанды вә јенидән сөјүшләрә давам етди. Бу сөјүшләрә дөзмәјиб, өз етиразымы билдирдим.
Шаһидләрин сөзләринә ҝөрә, мүнагишә тәзәдән гызышмасын дејә бычаг зәрбәси алан Ибраһим мәсҹиди сакитҹәсинә тәрк едиб.
Зәрәрчәкмиш Ибраһим Азадов һадисәнин мәсҹидин иҹма рәһбәри Һәмдулла Әлијевин сифариши илә баш вердијини билдирир. Гаршы тәрәф олан Һәмдулла Әлијев мәсҹиддә, үмумијјәтлә, белә бир һадисәнин баш вермәдијини дејир: “Мән ағсаггал кишијәм, мәнә јарашмаз, мән һеч кәсә әл галдырмамышам. Бурада нә баш верибсә, полис вар, мәсҹидин камерасы вар. Бунларын һамысы билинир, ҝетсинләр ајдынлашдырсынлар. Бурада һеч бир бычагланма һадисәси олмајыб. Әҝәр олубса да нијә сахлајыблар, ҝетсинләр полисә шикајәт етсинләр. Онлар өзләри 10 илдир план гурурлар ки, мәни бурдан чыхартдыб тутдурсунлар. Ҝедиб иҹра һакимијјәтиндә дә дејибләр ки, Һәмдулла позғун адамдыр. Гој, ҝетсинләр шикајәт етсинләр”.
Һәмдулла Әлијевин белә демәјинә бахмајараг, Јоутубе видеокадрларында онун мәсҹиддә диндарлары тәһгир етмәси вә онлара әл галдырмасы ачыг ашкар ҝөрсәнир.
Гејд едәк ки, зәрәрчәкән Ибраһим Азадов бу ҝүнә кими һеч бир аидијјаты органлара мүраҹиәт етмәјиб. Чүнки адамларын чохлуғундан ону вуран шәхси танымыр. Һазырда Ибраһим Азадов фактла бағлы һүгуг - мүһафизә органларына мүраҹиәт етмәк фикриндәдир.
Баш верән һадисә илә бағлы Ләнкәран рајон полис шөбәси һеч бир ачыглама вермәјиб. Нөвбәтчи һиссәдән билдирибләр ки, бунун үчүн ДИН-нин мәтбуат хидмәтинә мүраҹиәт едиб бүтүн рәсми мәлуматлары әлдә етмәк олар.
Видеону изләмәк үчүн бу линки тыклајын:
http://ru.salamnews.org/az/news/read/46136/lenkeran-mescidinde-dindarlar-arasinda-insident-yashanib/
Диггәт: Хәбәрдән истифадә етдикдә мәнбәјә истинад лазымдыр
