Динсиз шаһлыгда мәсҹид учурмаг, азан боғмаг шаһлығын, пејғәмбәри тәһгир етмәк, дини ашағыламаг сарај нөкәрләринин өзләринә вурдуғу ән бөјүк зәрбәдир. Исламла дава, Ислама сөјүш нә Әлијев командасына, нә өлү рафиг тағы вә нә дә јарымҹан Ағалар Мәммәдова бир шеј верәси дејил. Исламла вурушун бир ады вар: шејтана нөкәрлик! Бир сону вар: шејтанлашма!
Әлијев груплашмасы динә һүҹумдан долајы ағры чәкмәкдәдир. Ҝөз јумуб халгы сојмагла кифајәтләнсәјдиләр өмүрләри даһа узун оларды.
Ағалар Мәммәдов да дини дөзүмсүзлүјүнүн ағрысыны чәкир. Инанмадығынын ардынҹа ҝәзмәкдәнсә, мүәллимлијини етсәјди инди гүрбәтдә ичини јемәзди.
Ағалар М. нә үчүн гачыб Азәрбајҹандан? Бәјимизи истәјәнләр чох чалышдылар ки, ону гәһрәмана чевирсинләр. Өзү нә дүшүнүр Бәј? Јазыр:
“Чохлу һәдәләр ҝәлирди. Анҹаг “һүрән ит дишләмәз” дејирдим. Инсафән дишләмирди дә. Лакин һәмин ҝүнләрдә “Алма”да јаздығым јазыларыма ҝөрә алдығым е-маилләрдән бири ҹидди ҝөрүнмүшдү мәнә. Чүнки “аллаһу әкбәр”лә башлајыб, “аллаһу әкбәр”лә дә гуртаран бу гыса мәктубда чалышдығым Елмләр Академијасындан саат нечәдә чыхдығымы, һансы дајанаҹагда дајандығымы, һансы автобуса миндијими дәгиг јазмышдылар. Инди утанмырам буну јазмагдан, һәмин вахт саггалымы гырхмышдым ки, шәһәрдә танынмајым…”
Демәк, Аллаһу Әкбәрин ҝүҹүнү ҝөрүб Бәј. Горхуб Бәј. Саггалыны гырхыб Бәј!
Јазыр:
“Бири деди Ағалар Мәммәдов һакимијјәтә ишләјир, бу Бәјанат да һакимијјәтин јени прожесидир, исламчыларла мүхалифәтчиләрин арасыны вурмаг истәјирләр, бири деди МТН-ә бағлы групдур, о бири деди мәшһур олмаг истәјир; мәним Азәрбајҹандан ҝетдијими ешитдикдән сонра исә јени сәбәбләр “тапдылар”: бириси деди аҹынаҹаглы дурумда јашајырды, о бири деди һәлә шалвары да бир дәнә иди, ҝетди өзүнә икинҹисини алмаға, о бириси дә деди лоту иди, гәсдән едирди ки, Авропаја гачсын вә с. Һәлә јахшы ки, Авропаја ҝетмәк үчүн Рафиг Тағыны мәним өлдүртдүјүмү демәдиләр…”
Бүтүн бунлары өзү дејир, дин әһли јох. Һакимијјәтә ишләјән Бәјанат онун јох, кимин прожеси олмалыдыр? Аз дејибләр. Демәлијдиләр ки, Бәјанат Исраилин прожесидир.
Мәшһур олмаг! Ахы Ислама һүҹум етмәсәјди ким таныјаҹагды Бәји?! Динин јохдур, виҹданын олсун, Бәј. Ислам сөзүнү ахтарыша верәндә Ағалар ҝәлир. Буну да инкар едирсән?! Сөзү узатмајаг. Рафиг Тағынын гатили тапылмајыб вә өлкәдән гачанлар арасында сәнин дә адын вар. Тарихдә аз олмајыб ки, силаһдашлар пахыллыг уҹбатындан бир-биринә һөкм охујуб. Диндарлар белә јердә “һәгигәти Аллаһ билир” дејирләр. Әлбәттә ки, сәнин дә билдикләрин вар ки, биз билмирик. Мәсәлән, нечә шалварын вар вә шалварынын ҹибинә пул гојан кимдир?
Диггәт: Хәбәрдән истифадә етдикдә мәнбәјә истинад лазымдыр
