Әһли Бејт -АБНА- хәбәр аҝентлијинин вердији хәбәрә әсасән дүнән 15 август 2012 тарихдә Иран Ислам Республикасынын Президенти ҹәнаб Мәһмуд Әһмәдинежад “Мәккә Фөвгәладә Иҹласы” чәрчивәсиндә Түркијә президенти Абдулла Ҝүл илә ҝөрүшүб.
Ҝөрүшдә Мәһмуд Әһмәдинежад Абдулла Ҝүлә, Түријәнин Сурија мәсәләсиндә јанлыш сијасәт јүрүтдүјүн бидирәрәк демишдир: “Заман өтүб кечир амма биз исә галырыг. Биз ҝәрәк бир-биримиз илә иш бирлији гуруб бирҝә јашајаг.”
Иран Ислам Республикасынын Президенти бүтүн милләтләрин әдаләтпәрвәр, азадлығы севән вә гаршылыглы һөрмәтә еһтијаҹлы олмасына ишарә едәрәк дејиб: “Һеч ким зор ҝүҹү илә гәләбә әлдә едә билмәз. Ҝүҹ тәтбиг едәрәк дөвләт башына ҝәлән һәрһансы бир игтидар сабаһ өз мүстәгиллијини горумаға гадир дејилдир”.
О ислаһат һаггында мүзакирәләрә ҝәлдијдә, бунун һансы үсуллар чәрчивәсиндә апарылмасында өзүнүн хас нәзәри олдуғуну билдирәрәк, истеһза илә реҝионун мүртәҹе өлкәләринә ишарә илә дејиб: “Ислаһатларын апарылмасы мүтләгдир. Лакин биз бу ишдә һеч бир өлүм вә мүһарибәјә јол вермәмәлијик; әлбәттә мән бу “ислаһатлар”ын диҝәр өлкәләрә нә заман ајаг ачаҹағынын интизарындајам”.
Ҹәнаб Әһмәдинежад өз сөзүнү Сәудијјә Әрәбистаны, Бәһрејн вә Гәтәр кими мүртәҹе өлкәләрә үнванлајараг дејиб: “Иҹласда халг тәрфиндән белә дәстәкләнмәјән бәзи падшаһларын Сурија дөвләти әлејһинә данышмалары мәни тәҹүбләндирди”.
Ислам Республикасынын Президенти Сурија барәсиндә дејиб: “Иран Ислам Республикасы Суријада сакитлијин, әдаләт вә инсанлығын бәрпасы уғрунда әлиндә ҝәләни әсирҝәмәјәҹәк”.
Диггәт: Хәбәрдән истифадә етдикдә мәнбәјә истинад лазымдыр
