Әһли Бејт -АБНА- хәбәр аҝентлији- Мәлум олдуғу кими, Һаҹы Меһди Шамили Сабунчу РП Идарәси тәрәфиндән сахланылыб вә Сабунчу Рајон Мәһкәмәси тәрәфиндән Азәрбајҹан Республикасы ҸМ 234-ҹү (ганунсуз олараг наркотик васитәләри, психотроп маддәләри вә ја онларын прекурсорларыны һазырлама, истеһсал етмә, әлдә етмә, сахлама, дашыма, ҝөндәрмә вә ја сатма) маддәси илә иттиһам едиләрәк һаггында ики ајлыг һәбс гәтимкан тәдбири сечилмишдир.
Августун 7-дә Забрат гәсәбә сакини, инанҹлы инсан, танынмыш мөмин Һаҹы Меһди Шамилинин Сабунчу Рајон Полис Идарәсинин әмәкдашлары тәрәфиндән сахланмасы Азәрбајҹан Ислам Партијасында ҹидди нараһатчылыгла гаршыланды. Меһди Шамили АИП-ин јаранмасында тәшәббүс ҝөстәрәнләрдән бири, партијанын Али Шурасынын үзвү олуб. Доғрудур, Меһди Шамилинин 10 илдән артыгдыр ки, АИП-лә әлагәси јохдур. Амма мөмин бир шәхсә гаршы Сабунчу мәһкәмәсинин сон иттиһам гәрары ҝөзләнилән олмадығы үчүн Исламчылар бу һәбси инанҹлы мөмин шәхсләрә гаршы гәрәзли мүнасибәтин, шәр вә бөһтанларын давамы кими гијмәтләндирдиләр. АИП бу кими һалларын- јәни мөмин шәхсләрин наркотик маддәләрлә шәрләнмәсини динимизә вә диндарлара гаршы гејри-сағлам дүшүнҹә илә јанашманын, инанҹлы инсанлары даим тәзјиг алтында сахламаг кими аҹизанә тәһдидин нәтиҹәси һесаб едир, баш верәнләри гәтијјәтлә писләјир.
Ҹәмијјәтдә иҹтимаи фәалларын, үмумхалг марагларына истинадән әјриликләрә актив мүнасибәт сәрҝиләјәнләрин мәнәви тәзад долу иттиһамларла шәрләнмәси һәр ан нифрәтлә гаршыланыр. Баша дүшмәк, анламаг чәтиндир ки, ахы нијә мәһз инсанлары наркотиклә сахланмасы, хүсусән дә мөминләрин белә иттиһамларла һәбси баш верир. Онсуз да ҹәмијјәт буну һеч вәҹһлә гәбул етмир вә инанмыр.
АИП белә һаллары һүгуг мүһафизә органларынын ҹәмијјәтә, бүтөвлүклә дә Азәрбајҹанын мүсәлман халгына сајмазјана јанашмасы вә тәһгирамиз мүнасибәти кими гијмәтләндирир. Ҹәмијјәт бу ејбәҹәр һаллары һакимијјәтин характери кими бејнәлхалг аләмә тәгдим едәнләрин сәји һесаб едир ки, бу да халгымыза ләкә ҝәтирән һалдыр. Инсанларын ади вәтәндашлыг мөвгеләринин мәһдудлашдырылмасына, фикир-дүшүнҹә ачыгламаларынын инзибати-амирлик үсуллары илә гадаған олунмасына хидмәт едән белә аддымлар ҹавабсыз галмамалы, мүгавимәтлә гаршыланмалыдыр.
АИП Сијаси Шөбәси
09.08.2012
Диггәт: Хәбәрдән истифадә етдикдә мәнбәјә истинад лазымдыр
