Әһли Бејт -АБНА- хәбәр аҝентлијинин вердији хәбәрә әсасән Нәглијјат Назирлијинин Бакыја ҝәтирдији, ел арасында “бадымҹан таксиләр” адландырылан Чиндә истеһсал олмуш лакин Инҝилтәрәдә истеһсал олунма ады илә Бакыја ҝәтирилән Лондон таксиләри сырадан чыхыр.
Бу барәдә “ОЛАЈЛАР”а һәмин таксиләрин сүрүҹүләри мәлумат вериб. Сүрүҹүләрин дедијинә ҝөрә, һәмин таксиләрдән сәрнишинләр имтина едиб: “Бу таксиләрдән һәддиндән артыг аз адам истифадә едир. Сәрнишинләр әсасән хүсуси таксиләрдән истифадәјә үстүнлүк верирләр. Сәбәб исә бизим идарә етдијимиз таксиләрин баһа олмасыдыр. Чүнки, хүсуси таксиләр даһа сәрфәли гијмәтә ҝедир. Сәрнишин дә буна ҝөрә, Лондон таксиләриндән истифадә етмәк истәмир. Лондон таксиләри гәт етдији һәр километрә ҝөрә, сәрнишиндән 70 гәпик ҝедиш һаггы алыр. Бундан әлавә исә, һәмин таксијә минән сәрнишин әлавә 1 манат өдәмәлидир. Бу таксиләрлә 20 манатлыг јолу хүсуси таксиләр 7-8 маната, ән баһасы 10 маната ҝедир. Она ҝөрә дә, сәрнишинләр Лондон таксиләриндән имтина едир. Ҝүн әрзиндә бир вә ики сәрнишин тапа билирик, онунла да нә план долур, нә маашымыз чыхыр”.
Сүрүҹүләр дејирләр ки, онлар фаизлә дејил, ајлыг маашла ишләјир. Һәр ај максимум 300 манат әмәк һаггы алдығыны дејән сүрүҹүләыр билдирирләр ки, бу пулла долана билмирләр: “Хүсуси таксиләрдә ишләјәндә, ајлыг план, Нәглијјат Мазирлијинин фәргләнмә нишаны вә лисензијасындан башга ајда 600-700 манат газанҹымыз олурду. Амма, инди онун јарысыны газана билмирик. Артыг бу таксиләри тәһвил вермәк мәҹбуријјәтиндә галмышыг. Артыг 20-дән артыг сүрүҹү таксиләри тәһвил вериб. Белә ҝетсә јахын вахтларда бу таксиләрин һамысы гаражлара тәһвил вериләҹәк”.
P.S. Хатырладаг ки, халгын дилијҹә десәк “бадымҹан таксиләр” Бакыја елә бир шивән вә һарајла ҝәтирилди ки, Шаһ оғлу шаһзадәнин өзү бу мәсәләјә һејран галмышдыр. Нечә милјонларла мәзлум халгын пуллары бу арада Нәглијјат Бүдҹәси ады алтында силинди (мәлум сәбәсләрдән неҹә дејәрләр ҹибиштана ҝетди). Вә инди дә онларын ифласа уғрамасы јәгин ки, нөвбәти Нәглијјат бүдҹәсинин дырнагарасы лазымы јерләрә хәрҹләнмәсинә ҝәтириб чыхартаҹагдыр.
Диггәт: Хәбәрдән истифадә етдикдә мәнбәјә истинад лазымдыр
