Әһли Бејт -АБНА- хәбәр аҝентлијинин вердији хәбәрә әсасән Иҹтимаи Палата "Ҝәнҹләрин Һүгугларыны Мүдафиә Комитәсинин" 17 март аксијасыны дәстәкләјиб.
Иҹтимаи Палата һесаб едир ки, өлкәдә демократијанын бәргәрар олмасынын бир јолу да Азәрбајҹан ҝәнҹлијинин фәал мөвге нүмајиш етдирмәсиндән, иҹтимаи-сијаси просесләрдә актив иштиракындан кечдијини билдириб. Бу мәгсәдлә тәшкилатын Координасија Шурасы мартын 17-дә ҝәнҹләрин бир араја ҝәләрәк конститусион һүгугларындан истифадә едәрәк аксија кечирмәсини позитив һадисә кими дәјәрләндириб.
Иҹтимаи Палата бүтүн ҝәнҹлији 17 март митингинә диггәт ајырмаға, өлкәнин проблемләринә биҝанә галмајараг һүгуг вә азадлыгларын мүдафиәси үчүн тәшкил едилән митингдә иштирака чағырыб.
Иҹтимаи Палата Азәрбајҹан һөкумәтинә дә чағырыш едәрәк ҝәнҹләрин сәрбәст топлашмаг һүгугуна һөрмәт бәсләмәји, онларын динҹ вә манеәсиз аксија кечирмәсинә шәраит јаратмағы тәләб едиб.
Мартын 17-дә Бакы Шәһәр Иҹра Һакимијјәти ҝәнҹләрә виҹдан мәһбусларына кечириләҹәк дәстәк аксијасы үчүн пајтахтын "20-ҹи саһә" дејилән әразисини ајырыб. Бу барәдә гәзетимизә Мүсават Ҝәнҹләр Тәшкилатыын сәдр мүавини Сәхавәт Солтанлы мәлумат вериб. С.Солтанлы гејд етди ки, аксија “Гарабағ!”, “Рүшвәтә јох!” вә “Сијаси мәһбуслара азадлыг!” шүарлары илә кечириләҹәк.
Гејд едәк ки, Ҝәнҹләрин Һүгугларыны Мүдафиә Комитәсиндә 9 тәшкилат - ВҺП, Мүсават, АДП вә АХҸП-нин ҝәнҹләр тәшкилатлары, һәмчинин “Азад ҝәнҹлик”, “Нида”, “Далға”, “Мүсбәт Дәјишиклик”, “Инсан Һаглары” тәмсил олунур".
Диггәт: Хәбәрдән истифадә етдикдә мәнбәјә истинад лазымдыр
