Әһли Бејт -АБНА- хәбәр аҝентлијинин вердији хәбәрә әсасән сионист гүввәләринә хидмәт едән телеканалын ағ јаланы үзә чыхды. Белә ки, CNN-ин давамлы олараг Суријадан хәбәр алдығы Даннј Дајемин ујдурма хәбәрләр вердији видео ҝөрүнтүләрлә сүбута јетирилиб.
Сурија дөвләт телевизијасынын јајдығы видеода Д. Дајемин CNN телеканалы илә ҹанлы әлагә јаратмаздан әввәл әтрафындакылара силаһлардан атәш ачмағы хаһиш етдији нүмајиш олунур. Чох раһат вә сакит мүһитдә олдуғу мүшаһидә едилән Дајем ҹанлы ефир әснасында сон ики саатда јүзләрлә адамын өлдүјүнү иддиа едиб.
Ортаја чыхмыш һадисәләрлә әлагәдар CNN телеканалынын апарыҹыларындан Андерсон Ҹооперин програмына чыхан Д. Дајемә видео ҝөрүнтүләр барәдә суал верилиб. Програмын апарыҹысы Дајемә “CNN мүхбири олмадығыны вә телеканалдан бир гәпик дә пул алмадығыны” сөјләмәјә мәҹбур едиб. Апарыҹы Ардынҹа да Сурија дөвләти иҹазә вермәдији үчүн өзләринин нормал јолларла Суријаја ҝирә билмәдикләрини, буна ҝөрә дә Д. Дајем кими шәхсләрин вердикләри ҝөрүнтүләрә мөһтаҹ олдугларыны дејиб.
Дајем өзүнүн әслиндә Суријаја Азад Сурија Ордусуна гатылмаг үчүн ҝетдијини, анҹаг она CNN телеканалына хәбәр өтүрмәјин һәвалә олундуғуну ифадә едиб. CNN вә диҝәр АБШ каналлары тәрәфиндән «Суријадакы азадлыг мүбаризәсинин ҝәнҹ нүмајәндәси» кими таныдылан Дајем бүтүн имканлардан истифадә едәрәк, Суријаја бејнәлхалг һәрби мүдахиләнин зәрурилијинә даир чағырышлар сәсләндириб.
Ән мараглы һиссә исә CNN-дә иштирак етдији програмда Дајемин еффект јаратмаг үчүн атәш ачылмасына ҝөстәриш вердији һиссәнин «силинмәси лазымдыр» демәси олуб. CNN әмәкдашы видеода ишләтдији ифадәләрин нормал олдуғуну дејиб.
Бир башга зиддијјәт исә Дајемин CNN хәбәриндә ҹанлы бағланты заманы дајандығы нөгтәдән 400 метр узаглыгда вәтәндашларын ҹәсәдләрини ҝөрдүјүнү сөјләмәси, анҹаг Ҹооперин програмында һәмин вахт дајандығы әразидә гаршыдурма филан олмадығыны, һадисәләрин 15 километр узаглыгда јашандығыны сөјләмәси олуб.
Диггәт: Хәбәрдән истифадә етдикдә мәнбәјә истинад лазымдыр
