Әһли Бејт -АБНА- хәбәр аҝентлијинин вердији хәбәрә әсасән: Президент Администрасијасынын (ПА) рәһбәри Рамиз Меһдијевин һаким командаја нәзарәт имканларыны артыран Коррупсијаја Гаршы Мүбаризә үзрә Комиссијасы ләғв едилә биләр.
Бу барәдә “Азадлыг”а дахил олан мәлуматда дејилир ки, артыг һакимијјәтдә бу барәдә ҹидди мүзакирәләр башлајыб. Бу мәсәләдә хүсусилә Рамиз Меһдијевин әлејһдарлары фәаллыг ҝөстәрир. Онлар ән пис һалда Комиссијанын ПА рәһбәринин нәзарәтиндән чыхарылмасына чалышыр.
Рамиз Меһдијев 2004-ҹү илдә јарадылан Комиссијанын рәһбәри олмагла бу статусундан истифадә едәрәк рәгибләринә ҹидди зәрбәләр вурмаг имканына маликдир. Коррупсија илә бағлы шикајәтләр Комиссијаја дахил олдугда тәбии ки, саф-чүрүк едилир вә әсасән Рамиз Меһдијевә рәгиб олан мәмурлардан едилән шикајәтләрин арашдырылмасы тәмин олунур.
Бу бахымдан ПА рәһбәринин әлејһдарлары Комиссијанын ләғвини истәјир. Онларын аргументләринә ҝөрә, Баш Прокурорлуг јанында Коррупсијаја Гаршы Мүбаризә Идарәси олдуғу һалда Комиссијаја еһтијаҹ јохдур.
Диггәт: Хәбәрдән истифадә етдикдә мәнбәјә истинад лазымдыр
