Бир өмүр Ислама, халгымызын милли тәфәккүрүнә, мәдәнијјәтинә ифтира атмагла Гәрбин мүәјјән мараглы даирәләриндән пул гопаран рафиг тағы артыг Гәрбин атеист гүввәләринә мәгалә јазан кими лазым олмады.
Чүнки мәгаләләри ифтирадан, бөһтандан, тәһгирдән о тәрәфә кечмәјән рафиг тағы өзү кимиләриндән башга һеч кәсин шүуруна, тәфәккүрүнә тәсир едә билмәди. Вә бу белә дә олмалыјды. Халгымыз динсизлијә, милли-мәнәви дәјәрләрә дүшмәнҹәсинә јад мүнасибәт бәсләјәнләрә кечән әсрин сонларында јох деди. Лакин ҝөрүнүр, һәлә дә советдәнгалма атеизм тәфәккүрлү инсанлар кимләрсә тәрәфиндән гурдаланыр. Бундан да ән писи одур ки, һәмин гурдалајыҹы даирәләр артыг бизим бәзи депутатларымыза – Гүдрәт Һәсәнгулијев кимиләрә дә јол тапыб.
Бу јахынларда “Лидер” каналында рафиг тағыја “јазычы” демәсилә Гүдрәт Һәсәнгулијев артыг сон заманлар диндарлара гурулмуш тәләләрдә әлинин олмасыны бәјан едир. Һәлә һеч бир һүгуги факт ортаја чыхмамыш иҹтимаи рәји чашдырмаг истәјән Гүдрәт бәј Гураны гојуб Шејтана тәрәф үз тутмасыјла сечиҹиләринин әгидәсинә хәјанәт едир. Ҹызма-гарасы зијалы кәсим, интеллектуал инсанлар тәрәфиндән охунмајан бир шәхсә “јазычы” сөзүнү ағыз долусу үнванлајан Гүдрәт бәј Исмајыл Шыхлыларымыза, Һаҹыбала Әлизадәләримизә, Анарларымыза, Елчинләримизә көлҝә салдығынын фәргиндә дејилми?
Амма мәним рафиг тағыја вә онун кимиләринә, һәгигәтән, јазығым ҝәлди. Ҝөрүн нә ҝүнә галмысызныз ки, сизи артыг мәгаләнизлә реклам етмәји ујғун билмирләр. Һәмин мараглы даирәләр сизә физики тәсир ҝөстәрмәклә, һәјатыныза гәсд етмәклә сиздән санки бирдәфәлик әшја кими истифадә едирләр. Вә бунунла да иҹтимаи рәји чашдырмаг, ҹәмијјәтдә диндарлара гаршы фобија јаратмаг истәјирләр. Ајылын, еј рафиг тағылар! Јазыларыныз инсанларда (һәлә о да охујурларса) сизә гаршы икраһдан башга бир шеј ојатмыр. Бу гәдәр примитив јазыларла сиз Гәрбә лазым дејилсиниз.
Сиз салман рүшдү олмаг истәсәниз дә, алынмајаҹаг. Чүнки аналарыныз сизин бешијиниз үзәриндә лај-лај (ла илыәһә иллаллаһ) дејиб. Сиздән атеист јазар чыхмаз. Чыхса-чыхса, анҹаг мәгсәдли олараг, диндарлара ләкә атмаг үчүн суи-гәсд нәтиҹәсиндә бычагланма хәбәриниз чыхаҹаг. Сиздән Гәрбин атеист гүввәләри өз мәнфур нијјәтләри үчүн истифадә едир. Сиз һәлә дә ајылмамысыныз! Нә гәдәр ки ҝеҹ дејил, ајылын! Халгын гаршысында хәјанәтинизи бојнунуза алын. Бәлкә дә халг сизи бағышлады.
Сонда исә, һејфләр, Гүдрәт бәј. Һејф ки, бир өмүр сизә симпатија бәсләмишәм.
Диггәт: Хәбәрдән истифадә етдикдә мәнбәјә истинад лазымдыр
