Әһли Бејт -АБНА- хәбәр аҝентлијинин вердији хәбәрә әсасән: әлијевләр Президент Администрасијасы иҹтимаи-сијаси шөбәсинин мүдири Әли Һәсәновун АПА-ја мүсаһибәсиндән:
- Зијалылар Форумунун кечирилмәси вә профессор Рафиг Әлијевин Нефт Академијасынын кафедра мүдири вәзифәсиндән чыхарылмасына мүнасибәтини билмәк истәрдик...
- “Форум” адландырдығыныз 16-17 нәфәрин иштирак етдији “Елдар Намазовун групу”нун иҹласына гәдәр Рафиг Әлијев кафедра мүдири вәзифәсиндән чыхарылмышды. Бир али мәктәбин дахили ишини сијасиләшдириб, аз гала бејнәлхалг сәвијјәјә галдырмағын өзү ону ҝөстәрир ки, бәлли сијаси гүввәләр дахилдә вә хариҹдә Азәрбајҹан ҹәмијјәтиндә гаршыдурма јаратмаг, Азәрбајҹан ҹәмијјәтинин мөвҹуд сабит дурумуну позмаг истәјир.
- Баш верәнләрә мүхалифәт партијалары вә гәзетләринин бахышыны, мүнасибәтини неҹә гаршылајырсыныз?
- Бу инсанлар Азәрбајҹан дөвләтинин мүвәффәгијјәтләриндән ҝеҹә-ҝүндүз әријирләр. Санки бу милләт онлар үчүн дүшмәндир. Һәтта вәзијјәт о һәддә чатыб ки, “Еуровисион” јарышынын, бејнәлхалг конфрансларын, тәдбирләрин Азәрбајҹанда кечирилмәмәси үчүн сәбәб ахтарырлар. Нә Ермәнистанда, нә Ҝүрҹүстанда, нә Русијада, нә бизи әһатә едән диҝәр пост-совет өлкәләриндә, нә Авропада бу хисләтли мүхалифәт вар. Һәтта Африка өлкәләриндә белә, бәзән мүхалифәт әлинә силаһ алыб мәрди-мәрданә вурушур, даһа бунлар кими дөвләтә, милләтә хәјанәт јолуну тутмурлар… Адам белә шәхсләрлә бир өлкәдә јашадығына, онларла ејни дөвләтин вәтәндашы олдуғуна ҝөрә утаныр.
* * *
Дејәсән, һакимијјәтдәкиләр халгдан безиб, һәтта азәрбајҹанлы олмагдан утаныр. Президент Администрасијасы иҹтимаи-сијаси шөбәсинин мүдири дөвләтә гаршы силаһлы мүбаризәни мәрдлик сајыр. Ҝөрәсән диндарларын евинә силаһ, наркотика атылмасы неҹә, мәрдликдир, ја намәрдлик?
Диггәт: Хәбәрдән истифадә етдикдә мәнбәјә истинад лазымдыр
