Әһли Бејт -АБНА- хәбәр аҝентлијинин вердији хәбәрә әсасән: Октјабрын 20-дә руһани Абҝүл Сүлејмановун һәбсдә сахланмасына даир гәрардан верилмиш апеллјасија шикајәтинә бахылыб. Гәрары октјабрын 9-да Сәбаил Рајон Мәһкәмәси чыхармышды.
Август ајындан Милли Тәһлүкәсизлик Назирлијинин тәҹридханасында ГАНУНСУЗ сахланан Абҝүл Сүлејмановун шикајәтинә бахан Бакы Апеллјасија Мәһкәмәсинин һакими Абид Абдинбәјов һәмишәки кими кобудлуг едәрәк инсан һагларыны сајмамазлыға вурараг, биринҹи инстансија мәһкәмәсинин гәрарыны гүввәдә сахлајыб. Мәлуматы вәкил Анар Гасымлы вериб.
Рунаһи Абҝүл Сүлејманова әлијевләр режими тәрәфиндән 234.4.3-ҹү маддә илә (Ганунсуз олараг күлли мигдарда наркотик васитәләри, психотроп маддәләри вә ја прекурсорлары һазырлама, истеһсал етмә, әлдә етмә, сахлама, дашыма, ҝөндәрмә вә ја сатма) һәјасызҹасына ШӘРЛӘЈӘРӘК иттиһам верилиб. О, Ҹинајәт Мәҹәлләсинин 228.1-ҹи маддәси илә дә (Ганунсуз олараг одлу силаһ, онун комплект һиссәләрини, дөјүш сурсаты (јивсиз одлу ов силаһы вә һәмин силаһ үчүн дөјүш сурсаты истисна олмагла), партлајыҹы маддәләр вә гурғулар әлдә етмә, башгасына вермә, сатма, сахлама, дашыма вә ја ҝәздирмә) ШӘРЛӘНӘРӘК ҝүнаһландырылыр.
Вәкил һүгугларыны мүдафиә етдији руһани Абҝүл Сүлејманов вә Азәрбајҹан Ислам Партијасынын сәдр мүавини Ариф Гәнијевин бу мәзмунлу шикајәтләри үзрә Авропа Инсан Һүгуглары Мәһкәмәсинә мүраҹиәт едәҹәјини дејиб.
Дүнән Ариф Гәнијевин ејни мәзмунлу апеллјасија шикајәти тәмин олунмајыб.
Диггәт: Хәбәрдән истифадә етдикдә мәнбәјә истинад лазымдыр
