Әһли Бејт -АБНА- хәбәр аҝентлијинин вердији хәбәрә әсасән: Бу барәдә Исламазери.аз-а вәкил Анар Гасымлы мәлумат вериб. О бундан сонра илаһијјатчынын һүгугларыны онун горујаҹағыны ачыглајыб. Вәкил билдириб ки, Т.Бағыровун аилә үзвләри она мүраҹиәт едибләр. А.Гасымлы Т.Бағыровун нөвбәти мәһкәмә просеси октјабын 28-дә Нәриманов рајон мәһкәмәсиндә кечириләҹәјини дә билдириб.
Гејд едәк ки, “Һиҹаб Азадлыг” аксијасы бу ил мајын 6-да Тәһсил Назирлији гаршысында кечирилиб. Аксија илә бағлы Бакы Шәһәр Прокурорлуғунда иш ачылыб. Истинтаг групунун рәһбәри Бакы Шәһәр Баш Полис Идарәсинин истинтаг вә тәһгигат идарәсинин рәиси Назим Исмајыловдур.Т.Бағыров Азәрбајҹан Республикасынын Ҹинајәт Мәҹәлләсинин 233-ҹү маддәси илә (Иҹтимаи гајданын позулмасына сәбәб олан һәрәкәтләри тәшкил етмә вә ја бу ҹүр һәрәкәтләрдә фәал иштирак етмә), (3 илә гәдәр һәбс) иттиһам олунур. Һәбс едилдикдән сонра Һаҹы Тале барәсиндә әввәлҹә 15 сутка, даһа сонра исә 2 ајлыг һәбс гәтимкан тәдбири сечилиб вә Күрдәханы тәҹридханасына ҝөндәрилиб. Һаҹы Тале Бағыровун әввәлки вәкили Интигам Һаҹыјев олуб.
Диггәт: Хәбәрдән истифадә етдикдә мәнбәјә истинад лазымдыр
