Әһли Бејт -АБНА- хәбәр аҝентлијинин вердији хәбәрә әсасән: Урмија ҝөлүнүн гурумасынын гаршысыны алмаг үчүн јарадылмыш хүсуси ишчи групун гәрарына әсасән, ҝөлүн әтрафында бәндләрин тикинтиси дајандырылыб. Буну Иранын енерҝетика назири Мәҹид Намҹу дејиб.
Бу барәдә Иранын МЕҺР хәбәр аҝентлији мәлумат вериб. Експертләр Урмија ҝөлүнүн гурумасына сәбәб кими онун әтрафында бәндләрин тикинтисини ҝөстәрирдиләр. Белә ки, бәндләр ҝөлә су ахынынын гаршысыны алыр.
Намҹу дејиб ки, ишчи групун бир нечә иҹласы кечирилиб вә орада Урмија ҝөлүнүн гурумасы сәбәбләри мүзакирә олунуб. "Урмија ҝөлүнүн гурумасына әсас сәбәб өлкәдә гураглығын олмасыдыр, лакин һөкумәт ҝөлүн гурумасынын гаршысыны алмаг үчүн мүхтәлиф лајиһәләр үзәриндә ишләјир", - енерҝетика назири билдириб.
О, Араз чајындан сујун Урмија ҝөлүнә ахыдылмасы илә бағлы лајиһәнин һөкумәтин үзәриндә ишләдији лајиһәләрдән бири олдуғуну дејиб.
Урмија проблеми һәлл олду, амма Гарабағ проблеми шишир!
Диггәт: Хәбәрдән истифадә етдикдә мәнбәјә истинад лазымдыр
