Әһли Бејт -АБНА- хәбәр аҝентлијинин вердији хәбәрә әсасән:
Халид Мәшәлин рәһбәрлик етдији ҺӘМАС нүмајәндә һејәти Мисирдә рәсми сәфәрдәдир. Ислами Мүгавимәт Һәрәкаты (ҺӘМАС) Сијаси Шура Сәдри Халид Мәшәлин рәһбәрлик етдији јүксәк рүтбәли һејәт Мисир рәсмиләри илә разылашдырылаҹаг мәсәләләр үзрә сәнәдләри мүзакирә етмәк үчүн пајтахт Гаһирәјә јола дүшүб. Гаһирәдәки Мисир мәнбәләри ҺӘМАС нүмајәндә һејәтинин сәфәринин әсас мәгсәдинин “25 Јанвар” ингилабындан сонра өлкәдә јени јаранан вә Мисири әввәлки ҝүнләринә гајтараҹаг рәсмиләрлә икили әлагәләрин инкишаф етдирилмәси јолларыны арашдырмаг олдуғуну билдирир.
Мәнбәләр, ҝөрүшләр заманы хүсусилә Мисирлә Гәзза арасындакы Рәфаһ Сәрһәд Бурахылыш Мәнтәгәсинин дә вәзијјәтинин мүзакирә едиләҹәјини билдирир. Бундан башга, ҝөрүшләрдә мүһасирәдәки Гәззада јашајан Фәләстин халгынын чәтинлијинин јүнҝүлләшдирилмәси истигамәтиндә Мисирдән ҝөзләнилән мәсәлә дә ҝүндәмә ҝәтириләҹәк.
Диггәт: Хәбәрдән истифадә етдикдә мәнбәјә истинад лазымдыр
