Әһли Бејт -АБНА- хәбәр аҝентлијинин вердији хәбәрә әсасән:
Ливија үсјанчыларынын һаким органы – Милли Кечид Шурасынын рәһбәри Мустафа Әбүл Ҹәлил Назирләр Кабинетинин вәзифәсини јеринә јетирән апарыҹы комитети истефаја јоллајыб. Шуранын нүмајәндәсинин вердији мәлумата ҝөрә, бу гәрар, ҹари илин ијул ајында үсјанчы гүввәләрин команданы ҝенерал Әбдүл Фәттаһ Јунисин өлдүрүлмәсиндән сонра верилиб. Милли Кечид Шурасынын баш назири Маһмуд Ҹәбраилә јени Назирләр Кабинети јаратмаг тапшырылыб.
Сон заманлар Ливија үсјанчыларынын рәһбәрлији өлүмүндән бир нечә саат әввәл Мүәммәр Гәззафи режирми илә әлагәдә шүбһәли билинән Әбдүл Фәттаһын һәлак олмасы илә әлагәдар сијаси бөһран јашајыр. Бу һадисә МКШ илә Јунисин тәрәфдары олан нүфузлу тајфа башчылары арасында мүнасибәтин позулмасына ҝәтирмишди. Јунисин өлүмү Ливија үсјанчыларына бөјүк сијаси зәрбә олду. Һәмчинин үсјанчыларын һәм өлкә дахилиндә, һәм дә өлкә хариҹиндә тәрәфдарлары арасында нараһатлыг јарадыб. Белә ки, онлар үсјанчыларын һәтта гәләбә газансалар белә, өлкәни идарә едә биләҹәкләринә шүбһә илә јанашырлар.
Диггәт: Хәбәрдән истифадә етдикдә мәнбәјә истинад лазымдыр
