Әһли Бејт -АБНА- хәбәр аҝентлијинин вердији хәбәрә әсасән:
Ҝәнҹә Апелјасија Мәһкәмәсиндә һаким Рәшид Мәһәррәмлинин сәдрлији илә Ҝәнҹә сакини, руһани Фәхри Илјасовун иши үзрә мәһкәмә просеси кечирилиб. Вәкил Елчин Намазовун билдирдијинә ҝөрә, просес заманы һаким мүдафиә тәрәфинин бир сыра вәсатәтләрини рәдд еләсә дә, тәкрар мәһкәмә истинтагы кечирилмәси һагда гәрар вериб: “Мүдафиә тәрәфи биринҹи инстансија мәһкәмәсиндә истинтагын објектив апарылмадығы илә бағлы мәсәлә галдырдыг. Һаким тәкрар мәһкәмә истинтагы апарылмасы һагда гәрар верди. Августун 11-дә Апелјасија Мәһкәмәсиндә просес давам едәҹәк”.
Е.Намазов гејд етди ки, диҝәр руһани Азәр Ҹәбијеви Бакыја ҝәтирибләр. Онун сөзләринә ҝөрә, А.Ҹәбијев һазырда Шүвәлан тәҹридханасында сахланылыр. Е.Намазовун билдирдијинә ҝөрә, валидејнләринә А.Ҹәбијевин 14 сајлы ҹәзачәкмә мүәссисәсинә ҝөндәриләҹәјини дејибләр.
Хатырладаг ки, ҝәнҹәли руһаниләр Азәр Ҹәбијев вә Фәхри Илјасов бу ил јанварын 14-дә Азәрбајҹан-Ҝүрҹүстан сәрһәдиндә сахланылараг Ҝәнҹәјә апарылыб. Даһа сонра руһаниләри Ҝәнҹә полисинә мүгавимәтдә иттиһам едәрәк барәләриндә ҹинајәт иши ачылыб.
Диггәт: Хәбәрдән истифадә етдикдә мәнбәјә истинад лазымдыр
