Артыг кифајәт гәдәр инсан орта мәктәбләрдә һиҹаб проблеминин һәлли үчүн Азәрбајҹан дөвләт башчысына јүз мин вәтәндашын мүраҹиәти илә әлагадәр кампанијадан хәбәрдардыр. Һамы бундан данышыр десәк, јанылмарыг. Имза топлајан көнүллүләрин бир нечәси илә сөһбәт заманы, онлар бу фикри тәсдигләјибләр. Дејирләр ки, кимә јахынлашырыг, һамы дејир хәбәрим вар. О ҝүн дә ајда-илдә бир дәфә ҝөрдүјүм бир гоһумум мәни ахтарыб. О гәдәр узагдыр ки, һәтта телефон нөмрәми дә билмир. Зәнҝ вурмушам ки, нә лазымдыр? Дејир: “Мән имзатопламада көнүллү олмаг истәјирәм. Анкети һарадан әлдә едим?”. Дејирәм, һардан хәбәр тутдунуз? Елә јер деди ки, һеч јатсам јухума да ҝирмәзди. Просес о гәдәр ҝенишләниб ки, шәһәрләр, рајонлар, кәндләр гошулур.
Ола биләр ки, дејәсиниз ки, елә адамлар вар ки, хәбәрсиздир. Бу, нормалдыр. Чүнки биздә һәтта парламент сечкиләриндән дә мәлуматы олмајан олур. Анҹаг әксәријјәт кампанија һагда данышыр, јазыр, фикир сөјләјир.
Fаcеbооk вә һиҹаб кампанијасы
“Fаcеbооk” бизим өлкәјә интеграсија едәндән сонра мүхтәлиф ҹүр инсанлар үзә чыхды. Бәзиләри өзләринә бир “ист,” бәзиләри башга “ист” дејир. Амма нә “ист” олмаларындан асылы олмајараг, бунлар һамысы бир ағыздан данышыр – “Исламла бағлы нә варса, писдир”. Вәссәлам. Бир нөв озләрини “диндән имтина едәнләр” кими ҝөстәрирләр. Тәләбәлик илләриндә бу тип инсанларлар даһа тез-тез үнсијјәтдә олурдум. Инди дә һәрдән бу тип адамларын јазылары гаршыма чыхыр. Мүзакирәләрини охујурам.
Гајыдаг мөвзуја. Дејирәм ахы, һамы һиҹаб кампанијасындан мәлуматлыдыр. Бу һагда данышыр, јазыр. О ҝүн тәсадүфән һиҹаб кампанијасы илә бағлы “Fаcеbооk”-да бир нечә мүзакирә ҝөрдүм. Тәләбәлик дөнәминдә үстү тоз башмыш хатирәләрим ојанды. Мүзакирәләри апаранлар “диндән имтина едән” “...ист”-ләр иди. О гәдәр ҝүлмүшәм ки! Ҝөзүнүз ајдын. Сән демә “Мәктәбләрдә һиҹаб проблеминин һәлли үчүн Азәрбајҹан дөвләт башчысына јүз мин вәтәндашын мүраҹиәти илә әлагадәр кампанија”ја әкс олараг алтернатив “Мәктәбләрдә һиҹаба јох” кампанијаҹығы јарадылыб. Анҹаг виртуал аләмдә. Һәтта бунунла бағлы бир имзатоплама сәһифәси дә (“Петитион”) јарадылыб. Сајлары да бармаг һесабыдыр.
Јүз минин гаршысына јүзлә, минлә чыхмагданса сусмаг даһа мәнтигли вә уғурлу аддымдыр. Садәҹә ҝәрәк баҹарасан вахтында буну дәрк етмәји вә өзүнү сахламағы.
Әслиндә бу “...ист”ләрин дә кампанијадан данышмасы өзү бир даһа имзаларын уғурундан хәбәр верир. Әҝәр бир шејә гаршы әкс-тәблиғат башлајыбса, демәли о шеј артыг баш тутмагдадыр. Баш тутмајан шејә гаршы әкс-тәблиғат олмаз ки?!
“Fаcеbооk”-да “Јүз мин имза” илә бағлы анти-кампанија мүзакирәләриндә мараглы нөгтәләр ҝөрмүшәм. Әҝәр бир нәфәр кампанијаја дил узадырса, 4-5 танымадығымыз инсан кампанијанын мүзакирәсинә галхыр. Инсанлар өз дәстәкләрини верирләр. Онларын һагсыз олдугларыны, һиҹаблы гызларын да охумаг һагларынын олдугларыны билдирирләр. Дәһшәтдир. Мән бу ҹүр вәһдәт ҝөрмәмишдим, “фаҹе”дә. Кампанија башлананда да дејилмишди ки, бу бирләшдириҹидир. Вәһдәт јарадаҹаг. Елә дә олур. Инсан һаглары тәрәфдарлары, достлуға, сүлһә, вәһдәтә сәс верәнләр кампанијаны дәстәкләјир, мүдафиәсинә галхыр.
Диггәт, тарихә!
Анти-һиҹаб кампанијасыны апаран бу “...ист”-ләри ҝөрдүкҹә инсан һеч тәәҹҹүбләнмир. Тарихдә елә бир һадисә олмајыб ки, кимләрсә иш ҝөрсүн вә она гара јахмаға чалышмасынлар. Бу топлумун фитрәтиндә вар, дејәсән. Бүтүн иш ҝөрән инсанлара гаршы һәмишә гыҹығы олан адамлар олуб. Вахтилә топлум Галилејин “дүнја фырланыр” фикринә, Нәсиминин гәзәлләринә дөзә билмәјиб. Минләрлә белә сәбәб сајмаг олар. Јәгин, һәтта ибтидаи иҹма гәбиләләри гојун овлајыб ҝәлән мағара адамына да бир “мыз” гојублар. Бу гојунун јуну беләдир, ҝөзү еләдир вә с.
Амма, мараглы бир нөгтә вар. Имам Казим (ә) дејир ки, әлиндәки гоза халг "инҹидир" десә, сәнә бир фајдасы олмаз; чүнки сән онун гоз олдуғуну билирсән. Әлиндәки инҹијә дә халг "гоздур" десә, сәнә бир зәрәри олмаз; чүнки сән онун инҹи олдуғуну билирсән. Әсас мәсәлә әлиндәкинин инҹи олдуғуна әмин олмагдыр. Әҝәр әминсәнсә, ким нә дејир десин. Јола давам етмәк ҝәрәк.
Сонда бир нөгтә
Бир мараглы нөгтәни дә гејд едим. Инди кампанијаја дәстәк оланлар, илләрдир бу мәмләкәтдә ислам, мәнәвијјат, виҹдан, гејрәт, сүлһ мүбаризәси апаранлардыр. Нардаран ағсаггалларынын мүстәгиллик дөнәминдә көврәк Ислам үчүн етдикләрини, Гәзза һадисәләри вахты “20 јанвар ҝүнү” пајтахтын мәркәзиндә “Гәзза һадисәләринин” сәбәбкарларынын јанында диндарларын сәрҝи кечирмәләрини, талассемија хәстәләринә ган верән диндарларымызын фәдакарлыгларыны вә өлкәнин онларла илаһијјатҹы-алимләринин, руһаниләринин әмәкләри неҹә инкар етмәк олар?! Бу ҝүн кампанијаја саһиб чыхан башымызын таҹы олан руһаниләримизин мүбарәк дәстәкләри, бәрәкәтәләри нәтиҹәсиндә Аллаһ да лүтф едир.
Башымызын таҹы олан руһаниләримизин јәгин, о вахт да фәдакарлыг едән дә, динләри үчүн өзләрини унудан да, зәһмәт чәкәндә дә бириләри диндән чыхыб, һиҹабы даныб, онларын әлиндәки инҹијә гоз дејиб. Һәмин бу ”...ист”-ләрин инди етдији кими. Анҹаг онлар әлләриндәкинин инҹи олмасыны јәгин билибләр. Вә јолларына давам едибләр.
Инди исә вәзијјәт башгадыр. Инди әлдәки инҹијә һеч кәс гоз демир. Һамы елә инҹи дејир.
Бир һалда һамы баша дүрүр ки, бу инҹидир, демәли кампанија даһа уғурлу алынаҹаг. Демәли, һәр имза бу инҹијә бир нахыш олаҹаг. Бир јарашыг верәҹәк.
Әҝәр јүз мин имза топланырса, демәли, топлумун садә инсанлары да инкишаф едиб. Јүз мин имза - јүз мин инҹишунас демәкдир. Јүз мин гозу инҹидән ајыра билән демәкдир. Јүз мин дүшүнән демәкдир.
Бунун гаршысында дөзүнсүзлүк ҝөстәрән “...ист”ләр – дининдән Балашсајағы имтина едәнләр үчүн дуа етмәкдән башга әлаҹымыз галмыр. Һүгугдан вә азадлыгдан данышанлар мөвзу һиҹаб оланда нәдәнсә өзүнү о ҹүр апармыр. Садәҹә инҹини гоз кими ҝөрмәк истәјир вә елә дә ҝөрүр. Б
